నగర పంచాయతీ ఎన్నికల కౌంటింగ్ కు ఏర్పాట్లు పూర్తి

పాలకొండ, సూర్య : నగర పంచాయతీ ఎన్నికల ఓట్ల లెక్కింపు కు సర్వం సిద్ధం చేసినట్లు కమీషనర్ పివి నూకరాజు తెలిపారు. సోమవారం కౌంటింగ్ ఏర్పాట్ల వివరాలను వెల్లడించారు. మొత్తం 28 కౌంటింగ్ టేబుళ్లను ఏర్పాటు చేసి, నాలుగు రౌండ్లలో ఓట్ల లెక్కింపు నిర్వహించేలా ప్రణాళిక రూపొందించారు. ప్రతి రౌండ్లో ఏడు టేబుళ్ల చొప్పున ఓట్ల లెక్కింపు చేపట్టనున్నారు. మొదటి రౌండ్లో 1, 5, 9, 13, 17, 21, 25 నంబర్ల టేబుళ్లపై, రెండో రౌండ్లో 2, 6, 10, 14, 18, 22, 26 నంబర్ల టేబుళ్లపై లెక్కింపు జరుగుతుంది. మూడో రౌండ్లో 3, 7, 11, 15, 19, 23, 27 నంబర్ల టేబుళ్లపై, నాలుగో రౌండ్లో 4, 8, 12, 16, 20, 24, 28 నంబర్ల టేబుళ్లపై ఓట్ల లెక్కింపు నిర్వహించనున్నారు. నాలుగు రౌండ్ల లెక్కింపు పూర్తయిన అనంతరం అభ్యర్థుల వారీగా వచ్చిన ఓట్ల వివరాలను ప్రకటించి, విజేతలను అధికారికంగా వెల్లడించనున్నారు. కౌంటింగ్ ప్రక్రియ సజావుగా, పారదర్శకంగా జరిగేలా అధికారులు ఏర్పాట్లు చేస్తున్నారు.సోమవారం ప్రభుత్వ జూనియర్ కళాశాల లో కౌంటింగ్ ఏర్పాట్లను తహసీల్దార్ రాదా కృష్ణ మూర్తి పరీశీలించారు.