నామినేషన్ల వేళ రాజకీయ వేడి.. మాజీ మంత్రి విడదల రజినిని గృహనిర్బంధం చేసిన పోలీసులు

చిలకలూరిపేట మేజర్ న్యూస్:

 స్థానిక సంస్థల ఎన్నికల నామినేషన్ల దాఖలు ప్రక్రియలో ఉద్రిక్తత చోటుచేసుకుంది. వైఎస్సార్‌సీపీ మాజీ మంత్రి విడదల రజినిని పోలీసులు గృహనిర్బంధం చేయడం రాజకీయంగా చర్చనీయాంశంగా మారింది.నామినేషన్ల సందర్భంగా శాంతిభద్రతలకు విఘాతం కలగకుండా,ర్యాలీలు,ఘర్షణలను నివారించేందుకే ముందస్తు చర్యలు చేపట్టినట్లు పోలీసులు పేర్కొన్నట్లు సమాచారం.అయితే,ఈ చర్యలపై వైఎస్సార్‌సీపీ తీవ్ర అభ్యంతరం వ్యక్తం చేసింది.అభ్యర్థులను భయపెట్టి నామినేషన్లకు దూరం చేయడమే ప్రభుత్వ ఉద్దేశమా?అంటూ వైఎస్సార్‌సీపీ నేతలు ప్రశ్నిస్తున్నారు.తమ పార్టీ అభ్యర్థులకు మద్దతుగా నిలవకుండా అడ్డుకునేందుకే గృహనిర్బంధాలు చేస్తున్నారని ఆరోపించారు.ఎన్నికల ప్రక్రియలో అన్ని పార్టీలకు సమాన అవకాశాలు కల్పించాలని,అభ్యర్థులు స్వేచ్ఛగా నామినేషన్లు దాఖలు చేసుకునేలా చూడాలని వైఎస్సార్‌సీపీ నేతలు డిమాండ్ చేస్తున్నారు.

రిపోర్టర్: కొణిదెన నరేంద్ర చిలకలూరిపేట ఆర్సి ఇంచార్జ్