andhrapradesh
నామినేషన్ దాఖలు చేసిన సర్పంచ్ అభ్యర్థి బైరెడ్డి మల్లేశ్వరి
పామూరు, మేజర్ న్యూస్ : పామూరు మండలంలోని వగ్గంపల్లి గ్రామ పంచాయతీ సర్పంచ్ అభ్యర్థిగా టీడీపీ బలపరిచిన బైరెడ్డి మల్లేశ్వరి సోమవారం నామినేషన్ దాఖలు చేశారు. గ్రామంలోని స్వర్ణ గ్రామం వగ్గంపల్లిలో ఏర్పాటు చేసిన నామినేషన్ల స్వీకరణ కేంద్రంలో ఎన్నికల అధికారి డి. మధుసూదన్రెడ్డికి నామినేషన్ పత్రాలను అందజేశారు. గ్రామ టీడీపీ కమిటీ అధ్యక్షుడు బైరెడ్డి వెంకటేశ్వరరెడ్డి (తుఫాన్రెడ్డి) సతీమణి మల్లేశ్వరి సర్పంచ్ స్థానానికి పోటీ చేస్తూ ఎన్నికల ప్రక్రియలో కీలక అడుగు వేశారు. కనిగిరి ఎమ్మెల్యే డాక్టర్ ముక్కు ఉగ్ర నరసింహారెడ్డి ఆశీస్సులతో ఆమె టీడీపీ అభ్యర్థిగా ఎన్నికల బరిలో నిలిచారు. నామినేషన్ కార్యక్రమానికి పార్టీ నాయకులు, కార్యకర్తలు, హాజరై మద్దతు తెలిపారు. ఈ కార్యక్రమంలో పంచాయితీ అభివృద్ధి అధికారి ఇండ్ల హరినారాయణ, సింగిల్ విండో మాజీ అధ్యక్షుడు బైరెడ్డి జయరామిరెడ్డి, బైరెడ్డి వెంకటేశ్వర్లు (తుఫాన్ రెడ్డి), ఎంపీటీసీ ఎలికా కొండమ్మ, రెక్కల రమణారెడ్డి, బైరెడ్డి సుధాకర్రెడ్డి, ఎలికా నారాయణ, ఎలికా నాగశేషులు, గంగిరెడ్డి వెంకటరెడ్డి, బైరెడ్డి రమణారెడ్డి,రావి సూరయ్య, పారా వెంకటేశ్వర్లు తదితరులు పాల్గొన్నారు.