నాగలగుడం పాఠశాల కమిటీ ఏకగ్రీవ ఎన్నిక

అనంతపురం బ్యూరో 

నాగలగుడం పాఠశాల కమిటీ ఏకగ్రీవ ఎన్నిక

చైర్మన్‌గా దేవరకొండ గాయత్రి.. వైస్ చైర్మన్‌గా రామాంజనేయులు

శింగనమల: మండలంలోని నాగలగుడం ప్రభుత్వ ఉన్నత పాఠశాలలో పాఠశాల కమిటీ ఎన్నికలు ప్రశాంతంగా జరిగాయి. చైర్మన్‌గా దేవరకొండ గాయత్రి, వైస్ చైర్మన్‌గా గుజ్జుల రామాంజనేయులు ఏకగ్రీవంగా ఎన్నికయ్యారు.

నూతనంగా ఎన్నికైన చైర్మన్, వైస్ చైర్మన్‌లను పాఠశాల సిబ్బంది, కమిటీ సభ్యులు అభినందించారు. ఈ సందర్భంగా చైర్మన్ గాయత్రి మాట్లాడుతూ విద్యార్థులకు మెరుగైన విద్యా వసతులు కల్పించడంతో పాటు పాఠశాల అభివృద్ధికి కృషి చేస్తానని తెలిపారు.

ఎన్నికకు సహకరించిన నాయకులు, కార్యకర్తలు, కమిటీ సభ్యులకు ఆమె కృతజ్ఞతలు తెలిపారు. టీడీపీ నాయకులు నూతన కమిటీ చైర్మన్, వైస్ చైర్మన్‌లకు శుభాకాంక్షలు తెలిపారు.