అక్రమ గంజాయి సాగు పై పోలీసుల దాడి యంగముని అరెస్ట్

*కోమన్నోతలలో అక్రమగంజాయి సాగుపై పోలీసుల దాడి.. వెంగముని  అరెస్ట్*

లింగాల మేజర్ న్యూస్ :- లింగాల మండలంలోని కోమనూతల గ్రామ పరిధిలో గంజాయి అక్రమ సాగుపై పోలీసులు చర్యలు చేపట్టారు. కడప జిల్లా ఎస్పీ సెల్క్ నస్కేతన్ విశ్వనాథ్ ఆదేశాల మేరకు, పులివెందుల రూరల్ సీఐ శాంతిలాల్ ఆధ్వర్యంలో లింగాల ఎస్సై డి. జగదీశ్వర్ రెడ్డి, పోలీసు సిబ్బందితో కలిసి సోమవారం తనిఖీలు నిర్వహించారు.
విశ్వసనీయ సమాచారం మేరకు కోమనూతల గ్రామం నుంచి ఎల్లనూరు మండలం నేర్జాంపల్లె గ్రామానికి వెళ్లే మార్గంలోని ఎగువ గుట్టపై ఉన్న అరటి తోటలో గంజాయి మొక్కలు అక్రమంగా సాగు చేస్తున్నట్లు పోలీసులకు సమాచారం అందింది. దీంతో సోమవారం మధ్యాహ్నం 3 గంటల సమయంలో పోలీసులు అక్కడికి చేరుకుని తనిఖీలు చేపట్టారు.
ఈ తనిఖీల్లో సుమారు 6 అడుగుల ఎత్తు ఉన్న గంజాయి మొక్కతో పాటు ఎండిన గంజాయి ఆకులు పోలీసులకు లభించాయి. ఎండిన గంజాయి ఆకులను తూకం వేయగా సుమారు 750 గ్రాములు ఉన్నట్లు ఎస్సై జగదీశ్వర్ రెడ్డి తెలిపారు.
ఈ ఘటనకు సంబంధించి మన్నెల నడిపి వేంగముని (63), తండ్రి గంగన్న, బీసీ వాల్మీకి, వృత్తి మేకల కాపరిగా పోలీసులు గుర్తించారు. నిందితుడిపై లింగాల పోలీస్ స్టేషన్‌లో క్రైం నంబర్ 59/2026, NDPS Act-1985లోని సెక్షన్ 8(b) r/w 20(a) కింద కేసు నమోదు చేసి దర్యాప్తు చేపట్టారు.