మున్సిపాలిటీ ఎన్నికల బ్యాలెట్ ఓటింగ్ ప్రక్రియను పరిశీలించిన ఆర్టీవో.
కళ్యాణదుర్గం మున్సిపల్ ఎన్నికల నిర్వహణలో భాగంగా ఎస్వీజీఎం డిగ్రీ కళాశాలలో ఏర్పాటు చేసిన కౌంటింగ్ హాళ్లను, పోస్టల్ బ్యాలెట్ పోలింగ్ కేంద్రాన్ని ఆర్డీవో పరిశీలించారు. ఎన్నికల ప్రక్రియ సజావుగా సాగేందుకు అధికారులు చేపట్టిన ఏర్పాట్లను క్షేత్రస్థాయిలో తనిఖీ చేసి, సంబంధిత అధికారుల నుంచి వివరాలు తెలుసుకున్నారు. కౌంటింగ్ హాళ్లలో అవసరమైన సౌకర్యాలు, భద్రతా ఏర్పాట్లు, ఎన్నికల నిర్వహణకు సంబంధించిన ఇతర అంశాలను పరిశీలించారు. అదేవిధంగా ఎన్నికల విధుల్లో పాల్గొనే సిబ్బంది తమ ఓటు హక్కును వినియోగించుకునేందుకు నిర్వహిస్తున్న పోస్టల్ బ్యాలెట్ పోలింగ్ ప్రక్రియను సమీక్షించారు. ఓటింగ్ సమయంలో ఎలాంటి ఇబ్బందులు తలెత్తకుండా అవసరమైన ఏర్పాట్లు చేయాలని అధికారులకు సూచించారు. ఎన్నికల ప్రక్రియ ప్రజాస్వామ్యబద్ధంగా, పారదర్శకంగా నిర్వహించడం అత్యంత ముఖ్యమని పేర్కొంటూ, ఎన్నికల సంఘం మార్గదర్శకాలను తప్పనిసరిగా పాటించాలని తెలిపారు. పోస్టల్ బ్యాలెట్ ద్వారా ఓటు వేసే సిబ్బందికి అవసరమైన మార్గదర్శకాలు అందుబాటులో ఉంచాలని, పోలింగ్ కేంద్రంలో క్రమశిక్షణ పాటించేలా చర్యలు తీసుకోవాలని సూచించారు. ఓటింగ్ ప్రక్రియలో ఎలాంటి గందరగోళం చోటుచేసుకోకుండా ముందస్తు జాగ్రత్తలు తీసుకోవాలని ఆదేశించారు. కౌంటింగ్ ప్రక్రియ నిర్వహణకు సంబంధించి హాళ్లలో అవసరమైన ఏర్పాట్లను ముందుగానే పూర్తి చేయాలని, ఎన్నికల విధులకు సంబంధించిన నిబంధనలు, అధికారుల బాధ్యతలు, భద్రతా చర్యల విషయంలో అప్రమత్తంగా ఉండాలని తెలిపారు. ఎన్నికల నిర్వహణలో ప్రతి దశలోనూ పారదర్శకతకు ప్రాధాన్యం ఇవ్వాలని, సంబంధిత అధికారులు సమన్వయంతో పనిచేయాలని సూచించారు. ఎన్నికల ప్రక్రియలో ఏవైనా సమస్యలు ఎదురైతే వెంటనే ఉన్నతాధికారుల దృష్టికి తీసుకెళ్లి పరిష్కరించుకోవాలని పేర్కొన్నారు. విధుల నిర్వహణలో నిర్లక్ష్యానికి తావు లేకుండా బాధ్యతాయుతంగా వ్యవహరించాలని స్పష్టం చేశారు. ఈ పరిశీలనలో సంబంధిత ఎన్నికల అధికారులు, సిబ్బంది పాల్గొన్నారు.
కళ్యాణదుర్గం టౌన్ రిపోర్టర్ :- బోయ రంగస్వామి.
