మత్స్యకార కుటుంబాలకు ఉచిత బియ్యం పంపిణీ

-తుఫాన్ కారణంగా నష్టపోయిన కుటుంబాలకు భరోసా 
-బియ్యం పంపిణీ చేసిన ఎమ్మెల్యే కూన రవికుమార్
ఆమదాలవలస, అక్టోబర్ 1, మేజర్ న్యూస్ 
తుఫాన్ కారణంగా నష్టపోయిన మత్స్యకార కుటుంబాలకు ముఖ్యమంత్రి చంద్రబాబునాయుడు భరోసా కనిపిస్తూ ఉచిత బియ్యాన్ని అందించారని ఆముదాలవలస ఎమ్మెల్యే, రాష్ట్ర పియుసి చైర్మన్ కూన రవికుమార్ తెలియజేశారు. ఆమదాలవలస మున్సిపాలిటీ 18 వ వార్డు కండ్రపేటలో 130 మత్స్యకార  కుటుంబాలకు ఇంటి వద్దకే వెళ్ళి 50 కేజీల బియ్యం గురువారం పంపిణీ చేశారు. అర్నబ్  తుఫాన్ ప్రభావంతో రాష్ట్రవ్యాప్తంగా భారీ వర్షాలు, సముద్రంలో అలజడి కారణంగా మత్స్యకారులు ఆ సమయంలో ఐదు రోజులపాటు వేటకు వెళ్లలేక తీవ్ర ఇబ్బందులు ఎదుర్కొన్నారు. ఈ పరిస్థితుల్లో మత్స్యకార కుటుంబాలకు ముఖ్యమంత్రి నారా చంద్రబాబునాయుడు ప్రభుత్వం అండగా నిలిచిందని ఎమ్మెల్యే తెలిపారు.ముఖ్యమంత్రి ఆదేశాల మేరకు ఆమదాలవలస నియోజకవర్గంలో మత్స్యకార కుటుంబాలకు ప్రభుత్వం తరఫున సహాయం అందించారు. తుఫాన్ కారణంగా వేటకు వెళ్లలేక ఉపాధి కోల్పోయిన సమయంలో ప్రభుత్వం అందించిన సహాయం తమకు ఎంతో ఉపయోగకరంగా ఉందని మత్స్యకార కుటుంబాలు ఎమ్మెల్యేకు తెలిపారు.