మాంగోళ్లుదేశుపాలెం ఎంపీటీసీ అభ్యర్థిగా పురుషోత్తం నామినేషన్

వత్సవాయి: మాంగోళ్లుదేశుపాలెం ఎంపీటీసీ స్థానానికి కూటమి బలపరిచిన అభ్యర్థిగా బొల్లం పురుషోత్తం బుధవారం నామినేషన్ దాఖలు చేశారు. వత్సవాయి ఎంపీడీఓ కార్యాలయంలో కూటమి నాయకులు, కార్యకర్తల సమక్షంలో ఆయన నామినేషన్ పత్రాలను ఎన్నికల అధికారులకు సమర్పించారు.

ఈ సందర్భంగా కూటమి నాయకులు, కార్యకర్తలు పురుషోత్తంకు మద్దతుగా ఎంపీడీఓ కార్యాలయానికి తరలివచ్చారు. రానున్న స్థానిక సంస్థల ఎన్నికల్లో కూటమి అభ్యర్థుల విజయానికి సమష్టిగా కృషి చేస్తామని నాయకులు పేర్కొన్నారు.