మహిళా మోర్చా సేవలు నిరుపమానం

- బీజేపీ రాష్ట్ర అధ్యక్షుడు పీవీఎన్ మాధవ్
- పర్యావరణ పరిరక్షణలో భాగంగా మోదీ చిత్రంతో వస్త్ర సంచుల విడుదల
నరసన్నపేట పర్యావరణ పరిరక్షణలో భాగంగా బీజేపీ మహిళా మోర్చా జిల్లా అధ్యక్షురాలు డాక్టర్ పైడి సింధూర ఆధ్వర్యంలో మోదీ చిత్రంతో రూపొందించిన వస్త్ర సంచులను, స్థానిక కన్వెన్షన్ హాలులో నిర్వహించిన మాజీ వీర జవాన్ల ఆత్మీయ సమ్మేళనంలో బీజేపీ రాష్ట్ర అధ్యక్షుడు పీవీఎన్ మాధవ్ చేతుల మీదుగా విడుదల చేశారు. ఈ సందర్భంగా మాధవ్ మాట్లాడుతూ, పర్యావరణ పరిరక్షణ కోసం మహిళా మోర్చా చేపడుతున్న కార్యక్రమాలు అభినందనీయమని, ప్లాస్టిక్ వినియోగాన్ని తగ్గించి వస్త్ర సంచుల వినియోగాన్ని ప్రోత్సహించడం మంచి పరిణామమని పేర్కొన్నారు. డాక్టర్ పైడి సింధూర నాయకత్వంలో మహిళా మోర్చా ప్రజల్లో పర్యావరణంపై అవగాహన కల్పిస్తూ సేవా కార్యక్రమాలు నిర్వహించడం ప్రశంసనీయమని అన్నారు.

డాక్టర్ పైడి సింధూర మాట్లాడుతూ, పర్యావరణ పరిరక్షణ ప్రతి ఒక్కరి బాధ్యతని, నేడు సేవ సంకల్ప్ అభియాన్ 25వ రోజు సేవ కార్యక్రమంలో భాగముగా సమాజానికి ఊయాయోగపడే కార్యక్రమాన్ని నిర్వహిస్తున్నామని, ప్లాస్టిక్ సంచులకు బదులుగా వస్త్ర సంచులను ఉపయోగించడం ద్వారా ప్రకృతిని కాపాడుకోవచ్చని తెలిపారు. ప్రధాని నరేంద్ర మోదీ సందేశాన్ని ప్రజల్లోకి తీసుకెళ్లడంతో పాటు పర్యావరణ హితమైన అలవాట్లను ప్రోత్సహించడమే ఈ కార్యక్రమం ముఖ్య ఉద్దేశమని పేర్కొన్నారు.

ఈ కార్యక్రమంలో రాష్ట్ర ఉపాధ్యక్షులు పైడి.వేణుగోపాల్, ఎచ్చెర్ల శాసనసభ్యులు ఎన్.ఈశ్వర్, జిల్లా అధ్యక్షులు సిరిపురం.తేజేశ్వరరావు, బిజెపి మహిళా మోర్చ జనరల్ సెక్రటరీ సురవరపు.పద్మ, మాధవి, ఉపాధ్యక్షురాలు కృష్ణవేణి, అప్పలనరసమ్మ, భాను, భవాని, ఇతర సభ్యుల బృందం పాల్గొన్నారు.