మహాలక్ష్మి గా జ్వాలాముఖి అమ్మవారు

ఆత్మకూరు, మేజర్ న్యూస్:   ఆత్మకూరు పట్టణంలోని ఉత్తర బలిజ వీధిలో వెలసి అన్న శ్రీశ్రీశ్రీ జ్వాలాముఖి అమ్మవారి దేవస్థానంలో ఆదివారం శరన్నవరాత్రి ఉత్సవాలను ఘనంగా ప్రారంభించారు. ఆలయ ప్రధాన అర్చకులు పి. శివకుమార్, రావిప్రోలు రామకృష్ణ శర్మ,సుబ్రహ్మణ్య కిషోర్ శర్మల ఆధ్వర్యంలో అమ్మవారికి ఉదయం నుండి మంగళ వాయిద్యాలు, ద్వారా బంధురం, గణపతి పూజ, పుణ్యాహవచనం, అఖండ దీపారాధన,అమ్మవారికి మంగళ స్నానం,అభిషేకం, శ్రీదేవి ఖడ్గ పూజ విశేష పూజలు, కుంకుమార్చన తదితర కార్యక్రమాలు నిర్వహించారు. ఏడవ  రోజైన శనివారం   జ్వాలాముఖి అమ్మవారిని మహాలక్ష్మి అలంకారంతో  పూజలు నిర్వహించారు. ఆలయ కమిటీ సభ్యుల ఆధ్వర్యంలో సుసర్ల నాగరాజు -సునందలక్ష్మి దంపతులు, చలంచర్ల శ్రీనివాసులు -సునీత దంపతులు, కొలగాని అమ్మణ్ణమ్మలు ఉభయకర్తలుగా వ్యవహరించారు. భక్తులు అధికంగా పాల్గొని అమ్మవారిని దర్శించుకున్నారు.