మదనపల్లి మున్సిపాలిటీలో తెలుగుదేశం జెండా ఎగరాలి : మంత్రి మండిపల్లి రాంప్రసాద్ రెడ్డి దిశానిర్దేశం

మదనపల్లి,మేజర్ న్యూస్ : మదనపల్లి మున్సిపాలిటీలో తెలుగుదేశం జెండా ఎగరాలని కూటమి శ్రేణులకు మంత్రి మండిపల్లి రాంప్రసాద్ రెడ్డి దిశానిర్దేశం చేశారు.శనివారం మదనపల్లి పట్టణం నీరుగట్టువారిపల్లెలోని కూటమి చైర్మన్ అభ్యర్థి శ్రీరామ్ కుమార్ (చినబాబు) నివాసానికి మంత్రి విచ్చేశారు.ఈ సందర్భంగా మంత్రి మాట్లాడుతూ ప్రతి వార్డులలో అభ్యర్థులు ప్రచారాన్ని వేగవంతం చేయాలన్నారు.అదేవిధంగా కూటమి ప్రభుత్వం అమలు చేస్తున్న సంక్షేమ పథకాలు,అభివృద్ధి కార్యక్రమాలను ప్రజలకు వివరించాలన్నారు.మున్సిపాలిటీ పరిధిలోని 48 వార్డులలో విజయం సాధించి చరిత్ర సృష్టించాలని,ముఖ్యమంత్రి చంద్రబాబు నాయుడుకి కానుకగా ఇవ్వాలని ఆయన పిలుపునిచ్చారు.కూటమి నాయకులు ఐకమత్యంగా ముందుకు సాగితే విజయం సులభం అవుతుందన్నారు.చైర్మన్ అభ్యర్థి శ్రీరామ్ చినబాబు ప్రచార శైలిని ఆయన ప్రశంసించారు.మంత్రి రాంప్రసాద్ రెడ్డిని కలవడానికి కూటమి నేతలు పెద్ద సంఖ్యలో తరలివచ్చారు.ఈ కార్యక్రమంలో విశ్వబ్రాహ్మణ కార్పొరేషన్ స్టేట్ డైరెక్టర్ పచ్చిపాల రామకృష్ణ ఆచారి,గంగారపు రామ్మూర్తి నాయుడు,సీడ్ మల్లికార్జున నాయుడు,గుండ్లపల్లి యోగేశ్వర బాబు (పెదబాబు),మండ్యం ప్రభాకర్,రామిశెట్టి కృష్ణ (కమలామర్రి),పోతబోలు వెంకటేష్,బీజేపి యువ నాయకులు శ్రీకాంత్,15వ వార్డ్ కౌన్సిలర్ అభ్యర్థి,మదనపల్లి ప్రెస్ క్లబ్ గౌరవ సలహాదారు సిరివేలు చరణ్ కుమార్,కౌన్సిలర్ అభ్యర్థులు రామిశెట్టి రెడ్డి కేశవ,బండి పవన్ కుమార్ తదితరులు పాల్గొన్నారు.

రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి