మదనపల్లి మున్సిపాలిటీలో మరోసారి వైసీపీ జెండా ఎగరడం పక్కా : ప్రచారంలో వైఎస్ఆర్సిపి అతిరథ మహారధుల ధీమా

మదనపల్లి,మేజర్ న్యూస్ : మదనపల్లి మున్సిపాలిటీలో మరోసారి వైసీపీ జెండా ఎగరాలని ఆ పార్టీ ముఖ్య నేతలు పిలుపునిచ్చారు.పట్టణంలో రెండవ వార్డు ప్రచారంలో కూటమి ప్రభుత్వ తీరుపై ఓటర్లు ఆగ్రహం ఎంత పెద్దఎత్తున ఉన్నారో తెలుస్తోందన్నారు.వైసీపీకి మద్దతు ఇస్తున్న ఓటర్లుగత వైసీపీ ప్రభుత్వంలో నేతన్న నేస్తం,తల్లికి వందనం,అర్హులైన ప్రతి ఒక్కరికి అందించిన ఘనత కేవలం జగనన్నదేనని రెండో వార్డ్ అభ్యర్థిని కాళహస్తి స్వేత కొనియాడారు.అయితే కూటమి ప్రభుత్వంలో నేతన్న లకు మోసం,తల్లికి వందనంలోనూ మోసమేనని ప్రతీసారి మోసం చేసే ప్రభుత్వాన్ని కుర్చీ దించే రోజులు వచ్చాయన్నారు.వైఎస్సార్సీపీ ప్రచారంలో భాగంగా ఓటర్లు ఎంతో సంతోషంగా ఉత్సాహంతో  ఫ్యాన్ గుర్తుపై ఓట్లు వేసి,వేయిస్తామని తెలుపుతున్నామన్నారు.ఈ కార్యక్రమంలో వైకాపా సమన్వయకర్త నిసార్ అహ్మద్,మాజీ ఎమ్మెల్యే డాక్టర్ దేశాయ్ తిప్పారెడ్డి అన్నా,చైర్మన్ అభ్యర్థి జింకా చలపతి,వైఎస్సార్సీపీ యువనేత,మాజీ శాసనమండలి సభ్యులు బి.నరేష్ కుమార్ రెడ్డి కుమారుడు బి.శశాంక్ రెడ్డిలు రెండవ వార్డు అభ్యర్థిని బలపరిచి ప్రచార కార్యక్రమంలో పాల్గొన్నారు.రెండవ వార్డును గెలిచి పార్టీ పెద్దలకు, మాజీ ముఖ్యమంత్రి జగన్మోహన్ రెడ్డికి,పార్లమెంటు సభ్యులు మిథున్ రెడ్డి,నిసార్ అహ్మద్,నరేష్ కుమార్ రెడ్డి,తిప్పారెడ్డి,బావాజాన్,శశాంక్,పార్టీ కుటుంబ సభ్యులందరికీ బహుమతిగా అందిస్తామని తెలిపారు.ఈ కార్యక్రమంలో ఒకటవ వార్డు కౌన్సిలర్ అభ్యర్థి రేపన నాగరాజు,3వ వార్డ్ కౌన్సిలర్ అభ్యర్థిని రుక్సార్ సుల్తానా,చిప్పిలి మల్లికార్జున రెడ్డి,రేపన ముని,వైకాపా నాయకులు,కార్యకర్తలు పాల్గొన్నారు.

రిపోర్టర్ : కె.ఈశ్వర్ రెడ్డి,మదనపల్లి నియోజకవర్గం ఇంచార్జి