డబుల్ ఇంజిన్ పాలనతో శరవేగంగా ఆంధ్రప్రదేశ్ అభివృద్ధి : 35 వార్డ్ కూటమి అభ్యర్థిని ఎస్.విద్యాధరి స్పష్టం

మదనపల్లి,మేజర్ న్యూస్ : కూటమి ప్రభుత్వం డబుల్ ఇంజిన్ పాలనతో శరవేగంగా ఏపీ అభివృద్ధి సాధిస్తోందని 35 వార్డు కూటమి బలపరిచిన బీజేపీ అభ్యర్థిని శనివారపు విద్యాదరి స్పష్టం చేశారు.శనివారం వార్డు పరిధిలో కూటమి నాయకులతో కలిసి విస్తృతంగా ప్రచారం నిర్వహించారు.ఈ సందర్భంగా విద్యాదరి మాట్లాడుతూ ప్రధాని నరేంద్ర మోడీ,ముఖ్యమంత్రి చంద్రబాబు,ఉప ముఖ్యమంత్రి పవన్ కళ్యాణ్,బిజెపి రాష్ట్ర అధ్యక్షులు పివిఎన్ మాధవ్ కలయికలో రాష్ట్రం అన్ని రంగాల్లో అభివృద్ధి సాధిస్తోందన్నారు.కేంద్రంలోని బిజెపి ప్రభుత్వం ప్రజా రాజధాని అమరావతి,ఆంధ్రుల జీవనాడి పోలవరం ప్రాజెక్టుల నిర్మాణానికి,ఇతర అభివృద్ధి కార్యక్రమాలకు పూర్తి సహకారం అందిస్తోందని కొనియాడారు.త్వరలో జరుగబోవు మున్సిపల్ ఎన్నికల్లో కూటమి అభ్యర్థులను గెలిపిస్తే వికసిత్ భారత్ - వికసిత్ ఆంధ్రప్రదేశ్ సాకారం అవుతుందన్నారు.మదనపల్లి నియోజకవర్గాన్ని ఎమ్మెల్యే మహమ్మద్ షాజహాన్ బాషా అభివృద్ధి పథంలో నడిపిస్తున్నారని నవంబర్ 1వ తేదీన జరిగే మున్సిపల్ ఎన్నికల్లో 35వ వార్డు అభ్యర్థి అయిన తనకు కమలం గుర్తుపై,కూటమి చైర్మన్ అభ్యర్థి అయిన శ్రీరామ్ చినబాబుకు సైకిల్ గుర్తుపై ఓటువేసి భారీ మెజారిటీతో గెలిపిస్తే పట్టణాన్ని మరింత అభివృద్ధి చేస్తామని ఆమె వెల్లడించారు.ఈ కార్యక్రమంలో శనివారపు జయచంద్రా రెడ్డి,కూటమి నాయకులు,కార్యకర్తలు పాల్గొన్నారు.