లబ్ధిదారులకు పింఛన్లు పంపిణీ చేసిన యాదాల సాయి కిరణ్‌
పామూరు, మేజర్ న్యూస్ :
పేదలకు ప్రభుత్వం అందిస్తున్న ఎన్టీఆర్‌ భరోసా పింఛన్లను లబ్ధిదారులకు గురువారం పామూరు పట్టణ మేజర్ పంచాయతీ మాజీ ఉప సర్పంచ్, టిడిపి యువ నాయకుడు యాదాల వెంకట సాయి కిరణ్‌ పంపిణీ చేశారు. పామూరు పట్టణంలోని గోపాలపురం 273వ బూత్‌ పరిధిలో జరిగిన ఈ కార్యక్రమంలో ఆయన పాల్గొని లబ్ధిదారులకు పింఛన్‌ నగదును అందజేశారు. ఈ సందర్భంగా యాదాల వెంకట సాయి కిరణ్‌ మాట్లాడుతూ పింఛన్లు వృద్ధులు, వితంతువులు, దివ్యాంగులకు ఎంతో అండగా నిలుస్తున్నాయని అన్నారు. అర్హులైన ప్రతి ఒక్కరికీ సంక్షేమ ఫలాలు అందేలా కూటమి ప్రభుత్వం చర్యలు తీసుకుంటోందన్నారు. కార్యక్రమంలో పట్టణ టీడీపీ అధ్యక్షుడు సయ్యద్ అమీర్‌బాబు, పట్టణ టీడీపీ ఉపాధ్యక్షుడు ఇర్రి కోటిరెడ్డి, మండల టీడీపీ ఉపాధ్యక్షుడు అంచూరి వెంకటరెడ్డి, నీటి సంఘం చైర్మన్‌ పాలపర్తి రమణయ్య, మాజీ సింగిల్‌ విండో చైర్మన్‌ చల్ల సుబ్బారావు, నొస్సాం నాగేంద్రచారి, గంధం హరిబాబు, కోలా రామారావు, దార మాల్యాద్రి, దేవరాజుగట్టు అనిల్‌, పిట్టల వెంకట్‌, దేవరాజుగట్టు నారాయణ, సచివాలయ సిబ్బంది గరికపాటి వెంకట్రావు, దినేష్‌ తదితరులు పాల్గొన్నారు.
