కువైట్ లో ఇబ్బంది పెడుతున్న మహిళను సురక్షితంగా స్వదేశానికి..

అమలాపురం మేజర్ న్యూస్ ఆలమూరు మండలం బడుగువానిలంక గ్రామానికి చెందిన ఎం. పుష్ప కువైట్ దేశంలో తీవ్ర 
కువైట్ లో రెండేళ్లు గడువు పూర్తయిన ఇంటికి పంపకుండా ఇబ్బంది పెడుతున్న  మహిళను సురక్షితంగా స్వదేశానికి రప్పించిన మైగ్రేషన్ మేనేజ్మెంట్ సెంటర్ ఆలమూరు మండలం బడుగువానిలంక గ్రామానికి చెందిన ఎం. పుష్ప కువైట్ దేశంలో తీవ్ర ఇబ్బందులు ఎదుర్కొంటున్న నేపథ్యంలో, జిల్లా కలెక్టర్ డాక్టర్ మహేష్ కుమార్ రావిరాల ఆదేశాల మేరకు జిల్లా, మైగ్రేషన్ మేనేజ్మెంట్ సెంటర్ ఆమెను సురక్షితంగా భారతదేశానికి రప్పించారు.
కుటుంబ ఆర్థిక ఇబ్బందుల కారణంగా పద్మ 2024  జులై నెలలో  ఉపాధి నిమిత్తం కువైట్  వెళ్లారు. అక్కడ ఒక కుటుంబంలో గృహ కార్మికురాలిగా పనికి చేరిన ఆమె తీవ్రమైన పని ఒత్తిడి వున్నా ఆమె రెండు సంవత్సరాలు పూర్తి చేసుకున్నారు, అయినా మరొక సంవత్సరం చెయ్యాలి అని ఆమె పై ఒత్తిడి తీసుకుని రావడం తో ఆమె తండ్రి ఫిర్యాదు చేశారు.
ఈ ఫిర్యాదును మైగ్రేషన్ మేనేజ్మెంట్ సెంటర్‌కు అందజేయగా, జిల్లా కలెక్టర్ డాక్టర్ మహేష్ కుమార్ రావిరాల ఆదేశాల మేరకు సంబంధిత అధికారులు వెంటనే చర్యలు చేపట్టి పుష్ప  ను సురక్షితంగా భారతదేశానికి రప్పించినట్లు మైగ్రేషన్ మేనేజ్మెంట్ సెంటర్ సమన్వయకర్త గోళ్ళ రమేష్ తెలిపారు.
భారతదేశానికి చేరుకున్న అనంతరం పుష్ప తన భర్తతో కలిసి జిల్లా రెవెన్యూ అధికారి మరియు మైగ్రేషన్ మేనేజ్మెంట్ సెంటర్ నోడల్ అధికారి వీర్ల సుబ్బారావును కలిశారు. తమకు అండగా నిలిచి స్వదేశానికి సురక్షితంగా చేరుకునేందుకు సహకరించిన జిల్లా కలెక్టర్  వారు హృదయపూర్వక కృతజ్ఞతలు తెలిపారు.
ఈ కార్యక్రమంలో కడియాల సత్తిబాబు తదితరులు పాల్గొన్నారు.