కల్తీ నెయ్యి కేసులో ఈడీ సంచలనం

హైదరాబాద్, సూర్య ప్రతినిధి :తిరుమల తిరుపతి దేవస్థానం (టీటీడీ) లడ్డూ ప్రసాదం తయారీలో కల్తీ నెయ్యి వినియోగంపై జరుగుతున్న దర్యాప్తులో ఎన్‌ఫోర్స్‌మెంట్ డైరెక్టరేట్ (ED) దూకుడు పెంచింది. ఈ కేసుకు సంబంధించి మనీలాండరింగ్ నిరోధక చట్టం (PMLA) కింద రూ.129.85 కోట్ల విలువైన స్థిర, చరాస్తులను ఈడీ అధికారులు తాత్కాలికంగా జప్తు చేశారు.
ఈ కల్తీ నెయ్యి వ్యవహారంలో కీలక పాత్ర పోషించినట్లు ఆరోపణలు ఎదుర్కొంటున్న బోలే బాబా ఆర్గానిక్ డైరీ మిల్క్, శ్రీ వైష్ణవి డైరీ స్పెషాలిటీస్ సంస్థలకు చెందిన ఆస్తులను అటాచ్ చేసినట్లు ఈడీ వెల్లడించింది. అలాగే ఈ కేసులో నిందితులుగా ఉన్న విపిన్ జైన్, పొమిల్ జైన్‌లతో పాటు సుకృతి ఫుడ్స్ ప్రమోటర్ కైలాష్ చంద్ మంగ్లాకు చెందిన ఆస్తులపై కూడా ఈడీ కొరడా झుళిపించింది.
టీటీడీకి నాణ్యమైన ఆవు నెయ్యిని అందించాల్సిన డెయిరీ సంస్థలు నిబంధనలకు విరుద్ధంగా పామాయిల్, రసాయనాలు కలిపి నకిలీ నెయ్యిని సరఫరా చేసి భారీగా లబ్ది పొందినట్లు దర్యాప్తులో తేలింది. ఈ అక్రమ లావాదేవీలు, హవాలా మార్గాలు మరియు బోగస్ రికార్డులపై ఈడీ అధికారులు మరింత లోతుగా విచారణ కొనసాగిస్తున్నారు.