కావలి రూరల్ మండలంలో వైసీపీ నుంచి జనసేన పార్టీలో చేరిన పెద్దపట్టపుపాలెం మత్స్యకార
కావలి మేజర్ న్యూస్ : కావలి రూరల్ మండలంలో అధికార ప్రతిపక్ష రాజకీయాల్లో కీలక పరిణామం చోటుచేసుకుంది. పెద్దపట్టపుపాలెం పంచాయతీకి చెందిన వైసీపీ ప్రముఖ నేత ప్రళయకావేరి భాస్కర్ ఆధ్వర్యంలో పలు మత్స్యకార కుటుంబాలు వైసీపీని వీడి జనసేన పార్టీలో చేరాయి. ఈ సందర్భంగా పెద్దపట్టపుపాలెం నుండి కావలి వరకు వందలాది మంది నాయకులు, మహిళలు, కార్యకర్తలు కలసి ర్యాలీ నిర్వహించారు. అనంతరం కావలి నియోజకవర్గ జనసేన పార్టీ సమన్వయకర్త మన్నెమాల సుకుమార్ రెడ్డి సమక్షంలో పార్టీ కండువాలు కప్పుకుని జనసేనలోకి అధికారికంగా చేరారు. ఈ సందర్భంగా మన్నెమాల సుకుమార్ రెడ్డి మాట్లాడుతూ, సమాజానికి ఆహార భద్రతను అందించడంలో మత్స్యకారుల పాత్ర ఎంతో కీలకమైనదని కొనియాడారు. ఈ చేరికలు కావలి నియోజకవర్గంలో జనసేన పార్టీ బలోపేతానికి మరింత ఊతమిస్తాయని ఆశాభావం వ్యక్తం చేశారు. స్థానికంగా మత్స్యకారుల సంక్షేమం, సమగ్ర అభివృద్ధికి జనసేన పార్టీ ఎల్లప్పుడూ అండగా ఉంటుందని ఈ సందర్భంగా భరోసానిచ్చారు.
