కావలి గురుకుల పాఠశాలలో 'స్వచ్ఛత హి సేవా' – విద్యార్థులకు చెత్త సేకరణపై అవగాహన.

​కావలి మేజర్ న్యూస్ :  పట్టణ పరిధిలోని ముసునూరు 15వ వార్డులోని బాలికల గిరిజన సంక్షేమ గురుకుల పాఠశాలలో శుక్రవారం 'స్వచ్ఛత హి సేవా' కార్యక్రమాన్ని ఘనంగా నిర్వహించారు. పరిసరాల పరిశుభ్రత, చెత్త సేకరణ పద్ధతులపై విద్యార్థులకు మున్సిపల్ అధికారులు ప్రత్యేక అవగాహన కల్పించారు.  ​ఈ సందర్భంగా శానిటరీ ఇన్‌స్పెక్టర్ ఎం.డి. బషీర్ మాట్లాడుతూ, చెత్తను ఇంట్లోనే వర్గీకరించి వేర్వేరుగా అందించడం వల్ల వ్యర్థాల నిర్వహణ సులభతరం అవుతుందన్నారు. అనంతరం విద్యార్థులకు 'నాలుగు బుట్టల చెత్త సేకరణ' విధానంపై స్పష్టమైన వివరణ ఇచ్చారు. స్వచ్ఛతను ప్రతి ఒక్కరూ బాధ్యతగా స్వీకరించాలని కోరుతూ విద్యార్థులతో ప్రతిజ్ఞ చేయించారు.  ​అనంతరం పరిశుభ్రతపై ప్రజల్లో చైతన్యం తెచ్చేలా పాఠశాల విద్యార్థినులతో కలిసి వీధుల్లో ఉత్సాహంగా ర్యాలీ నిర్వహించారు.  ​ఈ కార్యక్రమంలో వార్డు శానిటేషన్ సెక్రటరీ స్వర్ణ, శానిటరీ మేస్త్రీలు, గురుకుల పాఠశాల ఉపాధ్యాయులు, సిబ్బంది మరియు విద్యార్థినులు పెద్ద సంఖ్యలో పాల్గొన్నారు.