కాత్యాయని అలంకారంలో శ్రీ మానసా దేవి అమ్మవారు..
వరికుంటపాడు మేజర్ న్యూస్ : మండల పరిధిలోని తూర్పు రొంపిదొడ్ల గ్రామంలో కొలువై ఉన్న శ్రీ మానసా దేవి అమ్మవారి ఆలయంలో శరన్నవరాత్రి ఉత్సవాలు భక్తిశ్రద్ధలతో కొనసాగుతున్నాయి. ఉత్సవాల్లో భాగంగా ఐదో రోజు అమ్మవారిని కాత్యాయని అలంకారంలో సుందరంగా అలంకరించి భక్తులకు దర్శన భాగ్యం కల్పించారు. కాత్యాయని దేవి రూపంలో అమ్మవారిని దర్శించుకోవడం శుభప్రదమని భక్తులు విశ్వసిస్తారు. ఈ సందర్భంగా ఆలయంలో ఉదయం నుంచే ప్రత్యేక పూజా కార్యక్రమాలు నిర్వహించారు. వేదమంత్రాలు, భక్తుల ప్రార్థనల నడుమ అమ్మవారికి పూజలు చేసి, భక్తులు ఆయురారోగ్యాలు, అష్టైశ్వర్యాలు, సుఖసంతోషాలతో వర్ధిల్లాలని ప్రార్థించారు. అమ్మవారి దర్శనం కోసం ఆలయానికి వచ్చిన భక్తులు భక్తిశ్రద్ధలతో పూజల్లో పాల్గొని మొక్కులు చెల్లించుకున్నారు.
శరన్నవరాత్రి ఉత్సవాల్లో భాగంగా ప్రతిరోజూ అమ్మవారిని వివిధ రూపాల్లో అలంకరించి పూజలు నిర్వహిస్తుండటంతో గ్రామంలో ఆధ్యాత్మిక సందడి నెలకొంది. అమ్మవారిని దర్శించుకున్న భక్తులకు ఆలయ నిర్వాహకులు తీర్థప్రసాదాలను అందజేశారు. అమ్మవారి కృపాకటాక్షాలు తమ కుటుంబాలపై ఉండాలని భక్తులు ప్రార్థించారు. ఆలయాన్ని పలు రకాల పొట్పాలు పలు రకాల విద్యుత్ దీపాలతో సుందరంగా అలంకరించారు.
