కారు డ్రైవర్ నిర్లక్ష్యపు డ్రైవింగ్.. ఎద్దులతో వెళ్తున్న వ్యక్తికి తీవ్ర గాయాలు, కేసు నమోదు

వెల్దుర్తి, సూర్య ప్రతినిధి మేజర్ న్యూస్. రామళ్లకోట గ్రామ శివార్లలో జరిగిన రోడ్డు ప్రమాదంలో ఒక వ్యక్తికి తీవ్ర గాయాలయ్యాయి. బాధితుడి తండ్రి ఇచ్చిన ఫిర్యాదు మేరకు కారు డ్రైవర్‌పై కేసు నమోదు చేసినట్లు పోలీసులు తెలిపారు.పోలీసులు తెలిపిన వివరాల ప్రకారం.. నిన్నటి దినము (17-10-2026) సాయంత్రం సుమారు 06:30 గంటల సమయంలో రామళ్లకోట గ్రామ శివార్లలోని సుగాలమ్మ గుడి దగ్గర, మొలక సీమ శ్రీకాంత్ (27) అనే వ్యక్తి ఎద్దులతో పాటు తన ఇంటికి తిరిగి వెళ్తున్నాడు. ఆ సమయంలో పెద్దకొట్టాలా గ్రామానికి చెందిన మదార్ సాహెబ్ అనే వ్యక్తి 'AP 05 CU 5009' నెంబరు గల కారును అతివేగంగా, అజాగ్రత్తగా, నిర్లక్ష్యంగా నడుపుకుంటూ వచ్చి శ్రీకాంత్‌ను బలంగా ఢీకొట్టాడు.ఈ ప్రమాదంలో శ్రీకాంత్‌కు తీవ్ర గాయాలయ్యాయి. ఈ ఘటనపై క్షతగాత్రుడి తండ్రి బోయ మొలకసీమ రంగస్వామి (57, తండ్రి పేరు లేట్ మొలకసీమ పెద్ద హనుమంతు) ఇచ్చిన ఫిర్యాదు మేరకు.. నేడు (18-10-2026) కారు డ్రైవర్ మదార్ సాహెబ్‌పై కేసు నమోదు చేసి దర్యాప్తు జరుపుతున్నట్లు పోలీసులు పేర్కొన్నారు.  సూర్య.ప్రతినిధి షేక్ దస్తగిరి కర్నూలు జిల్లా వెల్దుర్తి మండలం