జిల్లా స్థాయిలో డ్రాయింగ్ పోటీల్లో నగరం కళాశాల ప్రథమ స్థానం

నగరం, మేజర్ న్యూస్: ఎలక్ట్రోరల్ లిటరసి కార్యక్రమంలో భాగంగా జిల్లా స్థాయిలో నిర్వహించిన డ్రాయింగ్ పోటీల్లో స్థానిక శ్రీ వెలగపూడి రామకృష్ణ స్మారక కళాశాలలో ద్వితీయ బైపిసి చదువుతున్న విద్యార్థి పి. హెబ్సిబా ప్రథమ స్థానంలో నిలిచారు. మంగళవారం కళాశాల ప్రిన్సిపల్ ఛాంబర్ లో ఏర్పాటు చేసిన కార్యక్రమంలో కళాశాల పేరు ప్రతిష్టలు పెంపొందించేందుకు కృషిచేసిన హెప్సిబాను కళాశాల పాలకవర్గం, సిబ్బంది అభినందించారు. ఈ మేరకు సోమవారం జిల్లా కలెక్టర్ డాక్టర్ వినోద్ కుమార్ చేతుల మీదుగా ఈమె బహుమతిని అంటుకున్నారు. కార్యక్రమంలో కళాశాల ప్రిన్సిపల్ డాక్టర్ అనగాని హరికృష్ణ, ఆర్. ప్రసన్న బాబు, ఇంటర్మీడియట్ ఇంచార్జ్ డీజీఎన్ రెడ్డి, అధ్యాపక, అధ్యాపకేతర సిబ్బంది, విద్యార్థులు పాల్గొన్నారు.