జనవిజ్ఞాన వేదిక ఆధ్వర్యంలో వైద్య శిభిరం

జన విజ్ఞాన వేదిక ఆధ్వర్యంలో వైద్య శిభిరం 
--విశేష స్పందన 
ఆత్మకూరు, మేజర్ న్యూస్, సోమ వెంకటసుబ్బయ్  :ఆత్మకూరులో జనవిజ్ఞాన వేదిక 
ఆధ్వర్యంలో డాక్టర్ జెట్టి శేషారెడ్డి విజ్ఞాన కేంద్రం  సహకారంతో ప్రతి 2 నెలలకు ఒకసారి నిర్వహించు వైద్య శిభిరాన్ని ఆదివారం నిర్వహించారు. శిభిరంలో జనాలు అధికంగా పాల్గొని వైద్య సేవలు పొందారు. శిభిరంలో విశేష స్పందన లభించింది.షుగర్, బీపీ మరియు గుండె సంబంధిత వ్యాధుల వైద్య శిబిరం ను శ్రీ షిరిడి సాయిరాం కళాశాలలో నిర్వహించారు.
ఉదయం 7 గంటల నుండి11 గంటల వరకు
నిర్వహించగా ఈ వైద్య శిబిరమునకు నెల్లూరు రామచంద్రారెడ్డి ప్రజా వైద్యశాల నుండి ప్రముఖ వైద్యులు డాక్టర్ ఎం.వి.రమణయ్య  మరియు నెల్లూరు మెడికవర్ హాస్పిటల్ నుండి ప్రముఖ గుండెవ్యాధి నిపుణులు డాక్టర్ ఎం .బాలకృష్ణ  విచ్చేసి ప్రజలకు వైద్య సేవాలాందించారు.  బీపీ .షుగర్, గుండె సంబంధిత వ్యాధులతో బాధపడు వారు వైద్య పరీక్షలు చేయించుకున్నారు.
షుగర్ టెస్ట్  1సారి చేయించుకున్న వారికి 25 రూపాయలు,ఆహారం తిన్న తర్వాత రెండో సారి కూడా చేయించుకునే వారు మరో 25 రూపాయలు చెల్లించేలా నిర్ణయించారు.ఇన్సులిన్ ఒకటికి 100 రూపాయలు వంతున అందజేశామని నిర్వాహకులు పేర్కొన్నారు.
రెండు నెలలకు (షుగర్ మరియు బిపి లకు)అవసరమగు మందులు కేవలం 250 రూపాయలకే అందించారు. ఈ శిభిరంలో స్థానిక అపోలో ల్యాబ్ నిర్వాహకులు సంధాని టెస్టులు చేశారు. ఈ కార్యక్రమంలో సి ఐ టి యూ జిల్లా నాయకుడు జి. వి. శివప్రసాద్, జీవివి నాయకులు ఒంటేరు మల్లికార్జున తదితరులు పాల్గొన్నారు.