జనసేన, కూటమి అభ్యర్థుల విజయానికి సమష్టిగా కృషి చేయాలి సామినేని ఉదయభాను

జనసేన, కూటమి అభ్యర్థుల విజయానికి సమష్టిగా కృషి చేయాలి సామినేని ఉదయభాను

జనసేన పార్టీ అభ్యర్థులకు బీ ఫార్మ్ ల అందజేత

జగ్గయ్యపేట మేజర్ న్యూస్ :-మున్సిపల్ ఎన్నికల నేపథ్యంలో జగ్గయ్యపేట మున్సిపాలిటీలో జనసేన పార్టీ తరఫున వార్డు కౌన్సిలర్ అభ్యర్థులుగా పోటీ చేస్తున్న ఎనిమిది మందికి ఎన్టీఆర్ జిల్లా జనసేన పార్టీ అధ్యక్షులు సామినేని ఉదయభాను, యువనాయకులు, నియోజకవర్గ ఎన్నికల సమన్వయకర్త సామినేని వెంకట కృష్ణ ప్రసాద్  తమ స్వగృహంలో ఏర్పాటు చేసిన కార్యక్రమంలో పార్టీ అభ్యర్ధులకు బీ-ఫారాలను అందజేశారు.

ఈ సందర్భంగా 3వ వార్డు నుంచి వేల్పుల పద్మావతి , 5వ వార్డు నుంచి కొలగాని రాము , 10వ వార్డు నుంచి తుమ్మల ప్రభాకరరావు, 12వ వార్డు నుంచి ఆవాల వెంకట సత్య భవానీ ప్రసాద్  19వ వార్డు నుంచి మహమ్మద్ జాన్ బాషా, 23వ వార్డు నుంచి గొల్లపూడి గురవమ్మ , 31వ వార్డు నుంచి వాసిరెడ్డి మేఘన, 33వ వార్డు నుంచి శేషం సుధారాణి బీ-ఫారాలను అందుకున్నారు.

ఈ సందర్భంగా సామినేని ఉదయభాను  మాట్లాడుతూ, పార్టీ నాయకులు, కార్యకర్తలు, జనసైనికులు సమన్వయంతో పనిచేస్తూ ఎన్నికల ప్రచారాన్ని ముందుకు తీసుకెళ్లాలని పిలుపునిచ్చారు. జనసేన పార్టీ అభ్యర్థులతో పాటు కూటమి పార్టీల తరఫున పోటీ చేస్తున్న అభ్యర్థులందరూ విజయం సాధించాలని ఆకాంక్షించారు. కూటమి అభ్యర్థుల విజయానికి పార్టీ శ్రేణులందరూ ఐక్యంగా కృషి చేయాలని కోరారు.

ఈ కార్యక్రమంలో జనసేన పార్టీ నాయకులు, కార్యకర్తలు, జనసైనికులు పాల్గొన్నారు.

రిపోర్టర్ :-శివా జగ్గయ్యపేట ఎన్టీఆర్ జిల్లా