ఇన్‌సర్వీస్ ఉపాధ్యాయుల స్పెషల్ టెట్‌కు ఆటంకాలు సృష్టించవద్దు.. ఉపాధ్యాయుల భవిష్యత్తుకు భరోసా కల్పించాలి.. గిరిజన ఉపాధ్యాయ సంఘం జిల్లా అధ్యక్షుడు గుజ్జుల శివయ్య, ప్రధాన కార్యదర్శి డెగావత్ రవీంద్రనాథ్
అనంతపురం విద్య మేజర్ న్యూస్:-ఇన్‌సర్వీస్ ఉపాధ్యాయుల కోసం ప్రభుత్వం నిర్వహిస్తున్న ప్రత్యేక స్పెషల్ టెట్ ప్రక్రియకు ఎలాంటి ఆటంకాలు కల్పించకుండా సజావుగా కొనసాగించాలని గిరిజన ఉపాధ్యాయ సంఘం జిల్లా అధ్యక్షుడు గుజ్జుల శివయ్య, ప్రధాన కార్యదర్శి డెగావత్ రవీంద్రనాథ్ కోరారు.
25 నుంచి 30 ఏళ్లుగా ప్రభుత్వ విద్యారంగంలో పనిచేస్తూ, గ్రామీణ, గిరిజన ప్రాంతాల్లో విద్యాభివృద్ధికి సేవలందిస్తున్న ఉపాధ్యాయుల భవిష్యత్తును దృష్టిలో ఉంచుకొని ప్రభుత్వం ప్రత్యేక టెట్ నిర్వహించడం అభినందనీయమన్నారు.
ఇప్పటికే ఉపాధ్యాయులుగా పనిచేస్తున్న వారికి కొత్తగా ఉద్యోగాల్లోకి వచ్చే అభ్యర్థులతో సమానంగా నిబంధనలు వర్తింపజేయడం ఇబ్బందికరమని పేర్కొన్నారు. ప్రత్యేక టెట్‌కు తగిన సమయం, శిక్షణ, స్పష్టమైన మార్గదర్శకాలు కల్పించాలని కోరారు.
ముఖ్యంగా గిరిజన, మారుమూల ప్రాంతాల్లో పనిచేస్తున్న ఉపాధ్యాయుల సుదీర్ఘ సేవలు, అనుభవాన్ని గుర్తించి మానవతా దృక్పథంతో నిర్ణయాలు తీసుకోవాలని, ఎలాంటి న్యాయపరమైన పరిపాలనా పరమైన ఆటంకాలు లేకుండా ప్రత్యేక టెట్ నిర్వహించాలని రవీంద్రనాథ్ ప్రభుత్వాన్ని డిమాండ్ చేశారు.
మల్లికార్జున నేటి దినపత్రిక సూర్య స్టాఫ్ రిపోర్టర్
