గూడూరు మండలంలో పోలీసుల రూట్ మార్చ్
గూడూరు, మేజర్‌న్యూస్‌
గూడూరు మండల పరిధిలోని సమస్యాత్మక గ్రామాల్లో డిఎస్‌పి నరసింహమూర్తి ఆద్వర్యంలో రూట్ మార్చ్ నిర్వహించారు. శుక్రవారం ఉదయం గూడూరు రూరల్ సీఐ, గూడూరు 1వ టౌన్ సీఐ, గూడూరు 2వ టౌన్ సీఐ చిల్లకూరు, కోట స్టేషన్ల అధికారులు, 40 మంది పోలీసు సిబ్బంది భాగస్వామ్యంతో గూడూరు రూరల్ పోలీస్ స్టేషన్ పరిధిలోని అత్యంత సున్నితమైన మంగళాపురం, వెడిచెర్ల గ్రామాలలో రూట్ మార్చ్ నిర్వహించారు. ఈ రూట్ మార్చ్ సందర్భంగా పోలింగ్ కేంద్రాల ప్రదేశాలను కూడా తనిఖీ చేశారు. త్వరలో జరగనున్న గ్రామ పంచాయతీ, జెడ్పీటీసీ మరియు ఎంపీటీసీ ఎన్నికలు శాంతియుతంగా జరిగేలా చూసుకోవాలని, ఎలాంటి భయం లేదా వివాదాలు లేకుండా స్వేచ్ఛగా తమ ఓటు హక్కును వినియోగించుకోవాలని, మరియు శాంతిభద్రతలకు భంగం కలిగించే కార్యకలాపాలకు దూరంగా ఉండాలని గ్రామస్తులకు సూచించరు. చట్టవిరుద్ధమైన కార్యకలాపాలలో పాల్గొన్న వారిపై కఠినమైన చట్టపరమైన చర్యలు తీసుకుంటామని హెచ్చరించారు. ఆపరేషన్ త్రిశూల్ గురించి కూడా గ్రామస్తులలో అవగాహన కల్పించారు.
