గంగవరం బీసీ కాలనీలో వర్షపు నీటి సమస్యకు పరిష్కారం

పుల్లలచెరువు మేజర్ న్యూస్ ;వర్షం కురిస్తే రాకపోకలకు ఇబ్బందులు పడుతున్న గ్రామస్తుల సమస్యను గుర్తించిన టీడీపీ మాజీ మండల అధ్యక్షుడు పల్లపాటి బాదరయ్య తన సొంత నిధులతో రెండు తూరలను ఏర్పాటు చేయించి తన ఉదారతను చాటుకున్నారు. పుల్లలచెరువు మండలం గంగవరం గ్రామంలోని బీసీ కాలనీలో వర్షపు నీటి ప్రవాహం కారణంగా ప్రజలు ఎదుర్కొంటున్న ఇబ్బందులను గుర్తించి ఆయన ఈ చర్య చేపట్టారు.వర్షాకాలంలో నీరు ప్రవహించే మార్గాల వద్ద రాకపోకలకు అంతరాయం కలుగుతుండటంతో స్థానికులు ఇబ్బందులు పడుతున్నారు. ఈ సమస్యను పరిష్కరించేందుకు తూరల ఏర్పాటు అవసరమని భావించిన బాదరయ్య, ప్రభుత్వ సహాయం కోసం ఎదురుచూడకుండా తన సొంత ఖర్చులతో రెండు తూరలను ఏర్పాటు చేయించారు. దీంతో వర్షపు నీటి ప్రవాహం వల్ల ప్రజలకు ఎదురయ్యే ఇబ్బందులు కొంతమేర తగ్గనున్నాయి.గ్రామాల్లో ప్రజలకు అవసరమైన మౌలిక సదుపాయాల కల్పనకు నాయకులు చొరవ చూపడం అభినందనీయమని స్థానికులు పేర్కొంటున్నారు. ప్రజల సమస్యలను గుర్తించి, వాటి పరిష్కారానికి వ్యక్తిగతంగా ముందుకు రావడం ఇతరులకు ఆదర్శంగా నిలుస్తుందని అభిప్రాయపడుతున్నారు.తమ ఇబ్బందులను గుర్తించి స్పందించి, సొంత నిధులతో తూరలు ఏర్పాటు చేయించిన పల్లపాటి బాదరయ్యకు గంగవరం గ్రామస్తులు కృతజ్ఞతలు తెలుపుతూ అభినందనలు వ్యక్తం చేస్తున్నారు.