ఘనంగా మహాత్మా గాంధీ జయంతి వేడుకలు

ప్రొద్దుటూరు, అక్టోబర్ 2, మేజర్  న్యూస్:

మహాత్మా గాంధీ జయంతిని పురస్కరించుకుని శుక్రవారంప్రొద్దుటూరు  మున్సిపల్ పురపాలక సంఘం కార్యాలయంలో గాంధీజీ జయంతి వేడుకలను ఘనంగా నిర్వహించారు.  మున్సిపలకమిషనర్ తూతిక  శ్రీనివాస్ విశ్వనాథ్ మహాత్మా గాంధీ చిత్రపటానికి పూలమాల వేసి నివాళులర్పించారు. ఈ సందర్భంగా కమిషనర్ మాట్లాడుతూ మహాత్మా గాంధీ దేశానికి చేసిన సేవలను కొనియాడారు. ఇటువంటి మహోన్నత వ్యక్తి భారతదేశంలో జన్మించడం ప్రతి భారతీయుడికి గర్వకారణమని తెలిపారు. బారిస్టర్ ఉద్యోగానికి రాజీనామా చేసి భారత స్వాతంత్ర్య ఉద్యమంలో గాంధీజీ కీలక పాత్ర పోషించారని గుర్తుచేశారు. సత్యం, అహింసా సిద్ధాంతాలను ఆయుధాలుగా చేసుకుని బ్రిటిష్ పాలనకు వ్యతిరేకంగా గాంధీజీ సాగించిన పోరాటం దేశ చరిత్రలో చిరస్మరణీయమని అన్నారు. ఆయన ఆశయాలను ప్రతి ఒక్కరూ ఆదర్శంగా తీసుకుని సమాజంలో శాంతి, సోదరభావం, ఐక్యతను పెంపొందించేందుకు కృషి చేయాలని పిలుపునిచ్చారు