గీతం ఆసుపత్రిలో అత్యవసర వైద్య సేవా విభాగం

విశాఖ ఎడ్యుకేషన్, సూర్య : గీతం ఆసుపత్రి (జిమ్‌సర్) అత్యవసర సమయంలో తక్షణ వైద్య సేవలు అందించడానికి “అత్యవసర వైద్య సేవా విభాగాన్ని” బుధవారం ప్రారంభించిందని ఆసుపత్రి పర్యవేక్ష అధికారి డాక్టర్ కార్తీక్ తెలిపారు. ఈ వైద్య విభాగంలో అత్యవసర వైద్య సేవలపై అనుభవం గల వైద్య నిపుణుడితో పాటు పారామెడికల్ సిబ్బంది అందుబాటులో ఉంటారని ఆయన పేర్కొన్నారు. గీతం ఆసుపత్రికి 7 కిలోమీటర్ల పరిధిలో గల నగర ప్రజలు ఈ అత్యవసర వైద్య సేవలు పొందవచ్చునన్నారు. 24 గంటలూ పనిచేసే ఈ కేంద్రం రహదారి ప్రమాదాలు, అత్యవసర ఆరోగ్య సేవలకు తక్షణం స్పందిస్తుందని, సంఘటనా స్థలంలో రోగిని లేదా క్షత గ్రాత్రులను పరిశీలించడం, అక్కడికక్కడే పునరుజ్జీవన చికిత్స ప్రారంభించడం, అత్యవసరం అనుకుంటే ఆసుపత్రికి ప్రత్యేక ఆంబులెన్స్‌లో తరలించడం చేస్తారని తెలిపారు. అత్యవసర సేవల కోసం మొబైల్ నెం 9514104104ను సంప్రదించాల్సిందిగా సూచించారు.