గన్నవరం నారాయణ పాఠశాలలో విద్యార్థి-నాయకత్వ సదస్సు.

గన్నవరం, మేజర్ న్యూస్.

స్థానిక నారాయణ ఇంగ్లీష్‌ మీడియం పాఠశాలలో సోమవారం విద్యార్థి-నాయకత్వ సదస్సు (ఎస్‌ఎల్‌సీ) ఘనంగా నిర్వహించారు. విద్యార్థులే స్వయంగా తాము నేర్చుకున్న అంశాలు, ప్రాజెక్టులు, విద్యా ప్రగతిని తల్లిదండ్రులకు వివరించారు. సైన్స్‌ ప్రాజెక్టులు, డిజిటల్‌ అభ్యసన విధానాలు ఆకట్టుకున్నాయి. విద్యార్థుల్లో ఆత్మవిశ్వాసం, నాయకత్వ లక్షణాలు, కమ్యూనికేషన్‌ నైపుణ్యాలు పెంపొందించేందుకు ఎస్‌ఎల్‌సీ కార్యక్రమాలు దోహదపడతాయని ప్రిన్సిపాల్‌ షేక్‌ మస్తాన్‌ భాషా తెలిపారు. విద్యార్థులను తీర్చిదిద్దుతున్న ఉపాధ్యాయుల కృషిని అభినందించారు. కార్యక్రమంలో క్లస్టర్‌ ప్రిన్సిపాల్‌ రాజేష్‌, కోఆర్డినేటర్‌ ఫాతిమా, వైస్‌ ప్రిన్సిపాల్‌ ఈషా రత్నగిరి, ఉపాధ్యాయులు పాల్గొన్నారు.

గుర్రం ప్రసాద్, గన్నవరం.