ఎన్టీఆర్ భరోసా పెన్షన్ పంపిణీ

ఎన్టీఆర్ భరోసా పింఛన్ల పంపిణీ.…

మండపేట మేజర్ న్యూస్ :  పేదల సంక్షేమమే లక్ష్యంగా కూటమి ప్రభుత్వం అమలు చేస్తున్న ఎన్టీఆర్ భరోసా సామాజిక పింఛన్ల పంపిణీ కార్యక్రమం మండపేట 7 వ వార్డు లో జరిగింది. ఈ కార్యక్రమంలో ఎస్సీ కార్పొరేషన్ డైరెక్టర్ మందపల్లి చంద్రశేఖర్ దొరబాబు, మాజీ కౌన్సిలర్ సవరపు సతీష్, వార్డు టిడిపి అధ్యక్షుడు తోత్తరమూడి ఇజ్రాయిల్, వార్డు సెక్రటరీ పూలపల్లి రాజా, కేఎస్‌ఎస్ దూళి ప్రసాద్ పాల్గొని లబ్ధిదారులకు పింఛన్లను పంపిణీ చేశారు.

ఈ సందర్భంగా  మందపల్లి చంద్రశేఖర్ దొరబాబు, సవరపు సతీష్ లు మాట్లాడుతూ పేదలు, వృద్ధులు, వితంతువులు, దివ్యాంగులు తదితర వర్గాలకు ఆర్థిక భరోసా కల్పించేందుకు ప్రభుత్వం సామాజిక పింఛన్లను అందిస్తోందన్నారు. అర్హులైన ప్రతి ఒక్కరికీ సంక్షేమ పథకాలు అందేలా ప్రభుత్వం చర్యలు తీసుకుంటోందని తెలిపారు. పింఛన్లు అందుకున్న లబ్ధిదారులు ప్రభుత్వానికి కృతజ్ఞతలు తెలిపారు.