ఉపాధి హామీ పనులకు దరఖాస్తు చేసుకోండి..

ఉపాధి హామీ కొత్త పనులకు దరఖాస్తు చేసుకోండి..

విబిజి రామ్ జి ఉపాధి హామీ పథకం ద్వారా గ్రామంలో కొత్త పనులకు దరఖాస్తు చేసుకోవాలని అధికారులు పిలుపునిచ్చారు. 

భద్రాద్రి కొత్తగూడెం జిల్లా అశ్వారావుపేట నియోజకవర్గం, అన్నపురెడ్డిపల్లి మండల కేంద్రంలోని పంచాయతీ కార్యాలయంలో ఉపాధి హామీ టెక్నికల్ అసిస్టెంట్ సానిక శ్రీనివాస్ ఆధ్వర్యంలో పంచాయతీ కార్యదర్శి జి సురేష్ గ్రామ చిత్రాన్ని ముగ్గుతో గీసి ఎక్కడ ఏ పనులు చేయాలో గురువారం  గ్రామస్తులకు అవగాహన కల్పించారు. ఈ సందర్భంగా వారు మాట్లాడుతూ గ్రామంలో ఉపాధి హామీ పథకం ద్వారా అనేక పనులు చేయడం జరుగుతుందని, సిమెంట్ రోడ్లు, మరమ్మతులు, మట్టి రోడ్లు, పంట పొలాలకు మార్గాలను బాగు చేసుకోవడం  జరుగుతుందని తెలిపారు. ఈ కార్యక్రమంలో సర్పంచ్ లాకావత్ లక్ష్మి,, ఉప సర్పంచ్ మారగాని అశోక్, సెర్ఫ్ సిసి రాయల జ్యోతి, వార్డు సభ్యులు, అంగన్వాడీ టీచర్లు, వివోలు, గ్రామ ప్రజలు, తదితరులు పాల్గొన్నారు.

సూసూర్య ప్రతినిధి, అన్నపురెడ్డిపల్లి, చందు..