ఎన్నికల్లో విజయం సంతోషదాయకం - ఇక ఆత్మకూరు అభివృద్ధి లక్ష్యం - యువ నేత బొమ్మిరెడ్డి తారక్ నాథ్ రెడ్డి

ఆత్మకూరు, మేజర్ న్యూస్ :   ఆత్మకూరు మున్సిపల్ పరిధిలో అన్ని వర్గాల ప్రజలు తమను ఆదరించి ఆశీర్వదించి కూటమి ఆధ్వర్యంలో తెలుగుదేశం మున్సిపల్ చైర్పర్సన్ అభ్యర్థిగా పోటీ చేసిన తమ తల్లి డాక్టర్ బొమ్మిరెడ్డి షకీలా కు విజయం చేకూర్చడం సంతోషదాయకమని ఆమె కుమారుడు యువ నేత బొమ్మిరెడ్డి తారక్ నాథ్ రెడ్డి పేర్కొన్నారు. విజయం చేకూర్చేందుకు సహకరించిన వారందరికీ ప్రత్యేక ధన్యవాదాలని ఆయన పేర్కొన్నారు. తమన ఆహ్వానించి తెలుగుదేశంలో రప్పించి మున్సిపాలిటీ చైర్మన్ గా పోటీ చేసే అవకాశం కల్పించిన ఆత్మకూరు అభివృద్ధి ప్రదాత రాష్ట్ర దేవాదాయ ధర్మాదాయ శాఖ మంత్రి ఆనం రామనారాయణ రెడ్డికి ప్రత్యేక కృతజ్ఞతలని పేర్కొన్నారు. తమ విజయానికి సహకరించిన కూటమి నాయకులు కార్యకర్తలు అన్ని వర్గాల ప్రజలకు  ప్రత్యేక ధన్యవాదాలు తెలుపడంతో పాటు వారికి సేవలు అందించే భాగ్యం కలిగినందుకు సంతోషంగా ఉందని ఆయన పేర్కొన్నారు.ఎన్నికల ప్రక్రియ పూర్తయిందని, విజయం సాధించామని, ఇక ఆత్మకూరు అభివృద్ధి ప్రధాన లక్ష్యంగా భావించి కుల మతాలు, పార్టీలకతీతంగా ఆత్మకూరు మున్సిపల్ పరిధిలో ప్రజలకు సేవలు అందించడం ఆత్మకూరు మున్సిపాలిటీ అభివృద్ధి చేయడం తన లక్ష్యంగా భావించి అందుకు కృషి చేస్తామని తారక్ నాథ్ రెడ్డి పేర్కొన్నారు.