ఎన్నికలపై యువతకు అవగాహనా కార్యక్రమం

సింధియా, సూర్య : స్థానిక సంస్థల ఎన్నికల నేపథ్యంలో యువత పాత్రపై గాజువాక పోలీసులు అవగాహన కార్యక్రమాలను నిర్వహిస్తున్నారు. ఈ మేరకు స్థానిక జింక్ క్రీడా మైదానంలో గురువారం గాజువాక శాంతి భద్రతల విభాగం సర్కిల్ ఇన్స్పెక్టర్ వాసునాయుడు ఆదేశాలతో ఎస్ఐ కృష్ణబాబు ప్రత్యేక కార్యక్రమం చేపట్టారు. ఈ సందర్భంగా ఎస్ఐ కృష్ణబాబు మాట్లాడుతూ ప్రజాస్వామ్య వ్యవస్థలో యువత పాత్ర కీలకమని, ఎన్నికల ప్రక్రియలో చురుకుగా పాల్గొంటూ తమ ఓటు హక్కును బాధ్యతాయుతంగా వినియోగించుకోవాలని సూచించారు. ఎన్నికల ప్రక్రియలో యువత పాత్ర, వారి విధులు బాధ్యతలు సహా ఎన్నికల సమయంలో శాంతి భద్రతలకు విఘాతం కలగకుండా ప్రతీ ఒక్కరూ బాధ్యతాయుతంగా వ్యవహరించాలని అవగాహనా కల్పించారు.

రిపోర్టర్ : మనోజ్, మల్కాపురం, విశాఖపట్నం.