ఎంపీ మాగుంట రెండు రోజుల పర్యటన

- 8న ఢిల్లీలో కేంద్ర మంత్రులతో సమావేశాలు.. 

• 9న నరసింగోలులో పట్టాదారు పాసుపుస్తకాల పంపిణీ
• సూర్య ప్రతినిధి, ఒంగోలు : 
  ఒంగోలు పార్లమెంటు సభ్యులు  మాగుంట శ్రీనివాసులురెడ్డి గారు ఈ నెల 8, 9 తేదీల్లో పలు కార్యక్రమాల్లో పాల్గొననున్నారు. 8వ తేదీన ఉదయం 10 గంటలకు ఢిల్లీలో ఆంధ్రప్రదేశ్ రాష్ట్ర ముఖ్యమంత్రి  నారా చంద్రబాబునాయుడు గారితో కలిసి రాష్ట్రాభివృద్ధిపై పలువురు కేంద్ర మంత్రులతో జరిగే సమావేశాల్లో పాల్గొంటారు. 9వ తేదీన ఉదయం 8 గంటలకు ఒంగోలులోని ఎంపీ కార్యాలయంలో ప్రజలకు అందుబాటులో ఉంటారు. అనంతరం ఉదయం 10 గంటలకు కొండపి నియోజకవర్గం, జరుగుమల్లి మండలం నరసింగోలు గ్రామంలో ముఖ్యమంత్రి  నారా చంద్రబాబునాయుడు గారు రైతులకు నిర్వహించే పట్టాదారు పాసుపుస్తకాల పంపిణీ కార్యక్రమంలో పాల్గొంటారు. అదే రోజు సాయంత్రం 4 గంటలకు ఒంగోలులోని ఎంపీ కార్యాలయంలో ప్రజలకు అందుబాటులో ఉంటారు.