andhrapradesh
ఏకగ్రీవంగా ఎస్ఎంసీ ఎన్నిక
బాడంగి, సెప్టెంబర్ 29 (మేజర్ న్యూస్): బాడంగి పీఎం శ్రీ జడ్పీ ఉన్నత పాఠశాలలో మంగళవారం నిర్వహించిన పాఠశాల మేనేజ్మెంట్ కమిటీ (ఎస్ఎంసీ) ఎన్నికలు ఏకగ్రీవంగా జరిగాయి. నూతన ఎస్ఎంసీ చైర్మన్గా కొరిపిళ్లి అప్పలస్వామి, వైస్చైర్మన్గా మత్స అన్నపూర్ణను 15 మంది నూతన సభ్యులు ఏకగ్రీవంగా ఎన్నుకున్నారు.
ఈ సందర్భంగా నూతనంగా ఎన్నికైన చైర్మన్, వైస్చైర్మన్, సభ్యులతో పాఠశాల ప్రధానోపాధ్యాయుడు దత్తి సత్యనారాయణ ప్రమాణ స్వీకారం చేయించారు. పాఠశాల అభివృద్ధికి ఎస్ఎంసీ సభ్యులు సహకరించాలని ఆయన కోరారు. నూతన కమిటీని ప్రధానోపాధ్యాయుడు, ఉపాధ్యాయులు, గ్రామ నాయకులు, ప్రజలు అభినందించారు.
