ఎల్పీజి -ఆధార్ అథెంటికేషన్ పూర్తి చేశారా? నేడే చివరి గడువు!,అక్టోబర్ 1 నుంచి ఆధార్ లింక్ చేసిన వారికే రాయితీ సిలిండర్

ఎస్.రాయవరం, సెప్టెంబర్ 29, మేజర్ న్యూస్:ఎల్పీజి గ్యాస్ వినియోగదారులకు కేంద్ర ప్రభుత్వం కీలక సూచన చేసింది. ఎల్పీజి సిలిండర్లకు బయోమెట్రిక్ ఆధార్ అథెంటికేషన్ ఈ కేవైసీ చేసుకొనేందుకు నేటితో గడువు ముగియనుంది. ఎల్పీజి తో ఆధార్ లింక్ చేసిన వారికే అక్టోబర్ 1 నుంచి రాయితీతో సిలిండర్ అందుతుందని స్పష్టం చేసింది. నకిలీ కనెక్షన్లను తొలగించేందుకు, వాణిజ్య అవసరాలకు గృహ సిలిండర్లను వాడకుండా అడ్డుకొనేందుకు ఈ విధానాన్ని కేంద్రం అమలు చేస్తోంది. డెలివరీ సిబ్బంది వద్ద ఉండే మొబైల్ యాప్ ద్వారా, గ్యాస్ ఏజెన్సీల వద్ద, లేదా సంబంధిత గ్యాస్ కంపెనీల యాప్‌లలో ఈ విధానం పూర్తిచేసుకోవచ్చన్నారు. వినియోగదారులు వెంటనే తమ ఈ కెవైసీపీ పూర్తి చేసుకోవాలని అధికారులు సూచిస్తున్నారు.