దివ్యాంగుల స్వావలంబనకు కూటమి అండ

అనంతపురం బ్యూరో,.పదిమంది దివ్యాంగులకు స్కూటీల పంపిణీ: ఎమ్మెల్యే దగ్గుపాటి ప్రసాద్అనంతపురం: దివ్యాంగులు ఆత్మగౌరవంతో స్వావలంబనగా జీవించేందుకు ప్రభుత్వం అండగా ఉంటుందని ఎమ్మెల్యే దగ్గుపాటి ప్రసాద్ తెలిపారు. అనంతపురం నియోజకవర్గానికి చెందిన పదిమంది దివ్యాంగులకు స్కూటీలను ఆయన పంపిణీ చేశారు.

మాజీ మంత్రి ఏరాసు ప్రతాప్‌రెడ్డి, టీడీపీ జోనల్ కోఆర్డినేటర్ శ్రీనివాస్‌రెడ్డి, టీడీపీ జిల్లా అధ్యక్షుడు పూల నాగరాజు, విభిన్న ప్రతిభావంతుల చైర్మన్ నారాయణస్వామితో కలిసి లబ్ధిదారులకు వాహనాలు అందజేశారు.

ఈ సందర్భంగా ఎమ్మెల్యే మాట్లాడుతూ.. స్కూటీలతో దివ్యాంగులు రాకపోకలకు ఇతరులపై ఆధారపడకుండా విద్య, ఉపాధి, ఉద్యోగ అవకాశాలను సద్వినియోగం చేసుకునే అవకాశం ఉంటుందన్నారు. అర్హులైన దివ్యాంగులకు ప్రభుత్వ సంక్షేమ పథకాలు అందేలా కృషి చేస్తామని తెలిపారు.

స్కూటీలు అందుకున్న లబ్ధిదారులు ఎమ్మెల్యేకు కృతజ్ఞతలు తెలిపారు. కార్యక్రమంలో టీడీపీ నాయకులు, కార్యకర్తలు, దివ్యాంగుల కుటుంబ సభ్యులు పాల్గొన్నారు.