డిస్లెక్సియాపై అవగాహన ర్యాలీ:

సిఎస్ పురం,మేజర్ న్యూస్: గురువారం సిఎస్ పురం ఎస్టీప్రాధమిక పాఠశాలలో విద్యార్థుల్లో డిస్లెక్సియా(మేధాశక్తిలోని మతిమరుపు) మీద విద్యార్థులకు అవగాహన ర్యాలీ నిర్వహించారు. ఈసందర్భంగా ఎంఇఓలు,ఉపాధ్యాయులు, విద్యార్థులు, ఐఇఆర్ టి సిబ్బంది ర్యాలీ అనంతరం మాట్లాడుతూ డిస్లెక్సియా అనేది వ్యాధి అని భయపడవద్దని డిస్లెక్సియా కేవలం మెదడుకు సంభందించి కండీషన్ లేకపోవడం అని అందువలన చదవడం రాయడం అక్షరాలను గుర్తించడంలో ఇబ్బంది కలిగించే సాధారణమైన అభ్యసన లోపం అని అదేవిధంగా పదాలను సరిగా పలకలేకపోవడం ఇష్టమొచ్చినట్లు అక్షరాలను తారుమారు చేసి చదవడం రాయడం చేస్తారని డిస్లెక్సియా సమస్య ఉన్న విద్యార్థులు ఎటువంటి ఆందోళన చెందకుండా ధైర్యంగా ఉండాలని విద్యార్థులకు సూచించి డిస్లెక్సియా ఉన్న విద్యార్థులను గుర్తించి తగిన విధంగా బోధన అభ్యసన చేయాలని అన్నారు.ఈకార్యక్రమంలో ఎంఇఓలు జె.ప్రసాదరావు,బి.డేవిడ్,ప్రధానోపాధ్యాయుడు ఎల్.అంథోనీ, భవిత కేంద్రం సిబ్బంది వెంకటరావు,ఉపాధ్యాయులు పాల్గొన్నారు.