andhrapradesh
ధర్మాన కృష్ణదాస్తో నరసన్నపేట ప్రజాప్రతినిధుల ఆత్మీయ భేటీ
పోలాకి, సెప్టెంబర్ 25 (మేజర్ న్యూస్):
మబగాం క్యాంపు కార్యాలయంలో మాజీ ఉప ముఖ్యమంత్రి ధర్మాన కృష్ణదాస్, యువ నాయకుడు డాక్టర్ ధర్మాన కృష్ణ చైతన్యను నరసన్నపేట మండల ప్రజాప్రతినిధులు, ముఖ్య నాయకులు మర్యాదపూర్వకంగా కలిసి శాలువాలతో ఘనంగా సత్కరించారు.
ఈ సందర్భంగా ధర్మాన కృష్ణదాస్ మాట్లాడుతూ, పార్టీ బలోపేతానికి ప్రతి నాయకుడు, కార్యకర్త సమన్వయంతో పనిచేయాలని దిశానిర్దేశం చేశారు. నాయకులు నిరంతరం ప్రజలకు అందుబాటులో ఉంటూ వారి సమస్యల పరిష్కారానికి కృషి చేయాలని సూచించారు. రాబోయే రోజుల్లో పార్టీ శ్రేణులంతా ఐక్యంగా ముందుకు సాగుతూ, ప్రజా విశ్వాసాన్ని మరింత చూరగొనేలా ముందుకు నడవాలని పిలుపునిచ్చారు.
ఈ కార్యక్రమంలో నరసన్నపేట మండల ఎంపీపీ అరంగి మురళీధర్, జెడ్పీటీసీ చింతు అన్నపూర్ణ రామారావులతో పాటు పలువురు ఎంపీటీసీలు, మండల ముఖ్య నేతలు, పార్టీ శ్రేణులు పాల్గొన్నారు.
