చిన్నారులు, గర్భిణీల ఆరోగ్యమే మోదీ లక్ష్యం -ప్రధానికి బీజేపీ జిల్లా అధ్యక్షుడు సామంచి శ్రీనివాస్ కృతజ్ఞతలు

చిన్నారులు, గర్భనిలు, బాలింతలు, సంపూర్ణ ఆరోగ్యమే లక్ష్యంగా మోదీ అనేక సంక్షేమ అమలు అభినందనీయమని, ఈ కృషికి ప్రధాని మోదీకి బీజేపీ తిరుపతి జిల్లా అధ్యక్షులు సామంచి శ్రీనివాస్ ప్రత్యేక కృతజ్ఞతలు తెలిపారు. ప్రధాని నరేంద్ర మోదీ జన్మదినోత్సవాన్ని పురస్కరించుకుని దేశవ్యాప్తంగా నిర్వహిస్తున్న "సేవా సంకల్ప అభియాన్"లో భాగంగా తిరుపతిలో అంగన్‌వాడీ ఉత్సవ్ - పోషణ్ అభియాన్ కార్యక్రమాలు ఘనంగా నిర్వహించారు. మహిళా మోర్చా జిల్లా కార్యదర్శి ఆలకుంట అనిత అధ్యక్షతన చింతకాయల వీధి, గాలి వీధి, మంచాల వీధి, పట్నాల వీధి, గిరిపురం-1, గిరిపురం-2, సిపిఎన్ కాలనీ, పూసల వీధి అంగన్‌వాడీ కేంద్రాల్లో జరిపారు. ఈ కార్యక్రమానికి ముఖ్య అతిథిగా హాజరైన బీజేపీ తిరుపతి జిల్లా అధ్యక్షులు సామంచి శ్రీనివాస్ చిన్నారులు, గర్భిణీలు, బాలింతలకు అందిస్తున్న పోషకాహారం, ఆరోగ్య సేవలను పరిశీలించారు. ఈ సందర్భంగా బీజేపీ జిల్లా ఉపాధ్యక్షులు అనూష రామకృష్ణ ఆధ్వర్యంలో గర్భిణీలకు పౌష్టికాహారంతో పాటు చీర, జాకెట్, పసుపు కుంకుమలు అందించి ఐదుగురు ముత్తైదువుల చేత దీవెనలు ఇప్పించారు. కార్యక్రమంలో ఎస్సీ మోర్చా మీడియా కన్వీనర్ హరి, సెంట్రల్ మండల అధ్యక్షుడు దీపక్ యాదవ్, వెస్ట్ మండల అధ్యక్షుడు శ్రీధర్, మహిళా మోర్చా ప్రధాన కార్యదర్శి సవిత, డా.ప్రియదర్శిని, ఆశా వర్కర్లు, అంగన్‌వాడీ సిబ్బంది, బీజేపీ కార్యకర్తలు పాల్గొన్నారు.