చెన్నకేశవ, విరూపాక్షేశ్వర స్వామి ఆలయాలకు అధిక రాబడి.

ముత్తుకూరు , మేజర్ న్యూస్ :   ఈపూరు గ్రామంలోని చెన్నకేశవ, విరూపాక్షేశ్వర స్వామి ఆలయాలకు సంబంధించిన మెట్ట  తోపాటు మాగాణి భూములకు సోమవారం ఆలయ అధికారులు నిర్వహించిన భూముల కౌలు బహిరంగ వేలం పాటలో రైతుల మధ్య పోటీ నెలకొనగా ఈ రెండు ఆలయాలకు లీజు ప్రాతిపదికన అధిక రాబడి లభించింది. వంశపారపర్య ధర్మకర్త ఇసనాక బాలకృష్ణారెడ్డి సమక్షంలో దేవదాయ ధర్మదాయ శాఖ పరిశీలకులు రమణారెడ్డి, ఎగ్జిక్యూటివ్ ఆఫీసర్ భాస్కర్ రెడ్డి సంయుక్తంగా వేలంపాట నిర్వహించారు. ఈ రెండు ఆలయాలకు సంబంధించిన 108 ఎకరాల 69 సెంట్లు భూములకు బహిరంగ వేలం పాట జరిగింది. మూడు సంవత్సరాల కాల పరిమితిన నిర్వహించిన వేలం పాటలో భూములకు లీజు అధికంగా రావడంతో ఆలయాల అభివృద్ధికి దోహదపడింది. చెన్నకేశవ స్వామి ఆలయానికి గతంలో కంటే 28 లక్షల 61 వేల రూపాయలు ఆదాయం వచ్చింది. విరూపాక్షేశ్వర స్వామి ఆలయానికి  లక్ష 61 వేల రూపాయలు లీజ్ రూపంలో చేకూరింది. ఈ కార్యక్రమంలో ఆలయ అధికారులు గ్రామస్తులు తదితరులు పాల్గొన్నారు