బియ్యం నిల్వల్లో భారీ తేడాలు

జగ్గయ్యపేటలోని రేషన్ షాపుల్లో డీఎస్‌వో ఆకస్మిక తనిఖీలు

బియ్యం నిల్వల్లో భారీ తేడాలు..
ఆరు షాపుల ఈ-పాస్ మెషీన్లు సీజ్
జగ్గయ్యపేట అక్టోబర్ 7 మేజర్ న్యూస్:
జగ్గయ్యపేట పట్టణంలోని రేషన్ షాపులపై ఎన్టీఆర్ జిల్లా పౌరసరఫరాల శాఖ అధికారిణి సత్యవాణి మంగళవారం ఆకస్మిక తనిఖీలు చేపట్టారు. ఉదయం నుంచి దాదాపు 10 రేషన్ దుకాణాల్లో విస్తృతంగా తనిఖీలు నిర్వహించారు. పలు షాపుల్లో బియ్యం బస్తాల నిల్వల్లో తేడాలు గుర్తించినట్లు సమాచారం. ఇద్దరు ముగ్గురు డీలర్లను తీవ్రంగా హెచ్చరించారు. ఆరు షాపుల్లో అవకతవకలు ఎక్కువగా ఉండటంతో ఈ-పాస్ మిషన్లను సీజ్ చేశారు. ఆ డీలర్లపై 6(a) కేసులు నమోదు చేయాలని స్థానిక తహసీల్దారుకు ఆదేశాలు జారీ చేసినట్లు తెలుస్తోంది. డీఎస్ ఓ తనిఖీలతో పట్టణంలోని రేషన్ డీలర్లలో వణుకు మొదలైంది. కార్డుదారులకు సరుకులు సక్రమంగా పంపిణీ చేయకపోతే కఠిన చర్యలు తప్పవని సత్యవాణి హెచ్చరించారు. ఈ దాడుల్లో పౌరసరఫరాల శాఖ సిబ్బంది, రెవెన్యూ అధికారులు పాల్గొన్నారు.

శివ జగ్గయ్యపేట ఎన్టీఆర్ జిల్లా