భూసేకరణ గ్రామ సభలను సద్వినియోగం చేసుకోవాలి-తహసీల్దార్ శ్రీనివాస్

వేలేరుపాడు, మేజర్ న్యూస్ : ఈ నెల 5వ తేదీన మండలంలోని నార్లవరం, తిరుమలాపురం గ్రామ పంచాయతీ లలో పోలవరం ప్రాజెక్టు ముంపు భూములకు సంబంధించిన గ్రామసభలు నిర్వహించడం జరుగుతుందని తహసీల్దార్ శ్రీనివాస్ సోమవారం తెలిపారు.ఈ గ్రామ సభలకు ఏలూరు జిల్లా కార్యాలయం నుండి సీనియర్ అసిస్టెంట్ టి. మణి దివ్య,జి.జ్యోతి,వి.యామిని, రామారావు లు పాల్గొని స్టక్చర్ వివరాలు తెలియజేసి నిర్వాసితుల నుండి దరఖాస్తు లు స్వీకరించనున్నట్లు వివరించారు.అలాగే ఈ నెల 6వ తేదీన కోయిదా,కట్కూరు,సిద్దారం,7 వ తేదీన రుద్రం కోట,రేపాక గొమ్ము గ్రామ పంచాయతీల లో గ్రామ సభలు నిర్వహిస్తున్నట్లు తెలిపారు.ఈ గ్రామ సభల్లో పెండింగ్ లో ఉన్న భూ నష్ట పరిహారం,ఇళ్ల నష్ట పరిహారం దరఖాస్తులు స్వీకరించడం జరుగుతుందని పేర్కొన్నారు. పోలవరం నిర్వాసితులు ఈ అవకాశాన్ని సద్వినియోగం చేసుకోవాలని కోరారు.