భూమనకు చెంపపెట్టు...జేబీకి క్లీన్ చీట్ -భూమన కక్ష సాధింపు కేసులో జేబీ విజయం -వైసీపీ పెట్టిన అక్రమ కేసును కొట్టివేసిన కోర్టు -3 ఏళ్ల పోరాటం తర్వాత జేబీ శ్రీనివాస్ కు కోర్టులో న్యాయం -ఎన్నికలవేళ తొలివిజయంగా భావిస్తున్న కూటమి నేతలు

ఎడ్యుకేషన్ స్టాఫ్ రిపోర్టర్ : రాజకీయ కక్ష సాధింపు చర్యలో భాగంగా జేబీ శ్రీనివాస్ పై భూమన కుటుంబం కక్ష సాధింపు చర్యలకు దిగింది. 2022లో పెట్టిన అక్రమ కేసులో న్యాయస్థానం శుక్రవారం జేబీ శ్రీనివాస్ కు క్లీన్ చిట్ ఇస్తూ తీర్పునిచ్చింది. నగరపాలక సంస్థ రెండవ సాధారణ ఎన్నికల సమయంలో ఆయనకు క్లీన్ చీట్ రావడం పట్ల కూటమినేతను సంబరాలు చేసుకుంటున్నారు. తిరుపతి నగరంలో జేబీకి క్లీన్ చీట్ ఇవ్వడం హాట్ టాపిక్ గా మారింది. 

మూడేళ్ల సుదీర్ఘ పోరాటానికి తెర..

2022 మున్సిపల్ ఎన్నికలలో వైసిపి చేస్తున్న దొంగ ఓట్లు దంతాను ప్రశ్నించినందుకు టిడిపి నాయకులు జెబి శ్రీనివాస్, విజయ్ కుమార్, వెంకట కీర్తిలపై, అప్పటి వైసిపి ఎమ్మెల్యే భూమన కరుణాకర్ రెడ్డి, ఆయన కుమారుడు భూమన అభినయ్, పోలీసు వ్యవస్థను అడ్డంపెట్టుకుని ఎస్వియు పోలీస్ స్టేషన్లో తప్పుడు కేసు నమోదు చేశారు. దీనిపై మూడేళ్ల పాటు సుదీర్ఘ పోరాటం చేసిన జెబికి ఎట్టకేలకు ధర్మం తన వైపు నిలిచిందని హర్షం వ్యక్తం చేశారు. దీంతో వైసిపి రౌడీ రాజ్యం గతంలో ఎలా ఉండేదో బయటపడిందన్నారు మమ్మలను అరెస్టు చేసి మా కుటుంబాలను భయపెట్టాలని చూసారని, అక్రమ కేసులు పెట్టి మా జీవితాలతో ఆడుకున్న కరుణాకర్ రెడ్డి, అభినయ రెడ్డి తిరుపతి ప్రజలకు కోటి తీర్పుతో ఏమి సమాధానం చెప్తారని ప్రశ్నించారు. పుర ప్రజలు ఈ విషయాన్ని గమనించాలని రౌడీ రాజ్యం కావాలో న్యాయం కోసం పోరాడే కూటమి రాజ్యం కావాలో తేల్చుకోవాలని సూచించారు. ఆదివారం ప్రజా పోర్టులో వైసిపికి నగర ప్రజలు బుద్ధి చెప్పడం ఖాయమని హెచ్చరించారు. 

కూటమిలో సంబరాలు 

గత ప్రభుత్వం జేబీతో పాటు పలువులు టిడిపి నేతలపై బనయించిన అక్రమ కేసుల్లో కోర్టు క్లీన్ చీట్ ఇవ్వడంతో నగరంలో కూటమి నేతలు సంబరాలు చేసుకున్నారు. ఎన్నికల ముందు వైసిపికి ఇదో చెంప పెట్టని హర్షం వ్యక్తం చేశారు. ఈ తీర్పు కూటమికి నైతిక బలాన్ని ఇచ్చిందని వైసిపి కుట్రలు బహిర్గతమయ్యాయని టిడిపి జనసేన బిజెపి నేతలు సంబరాలు చేసుకుంటూ ప్రచారాన్ని మరింత ముమ్మరం చేశారు. ఈ తీర్పు ఆదివారం జరుగునున్న ఎన్నికలపై ప్రభావం చూపడం ఖాయమని రాజకీయ విశ్లేషకులు సైతం అంచనా వేస్తున్నారు. 

సీఎం గౌడ్ తిరుపతి స్టాప్ రిపోర్టర్