ఎన్నికల నియమావళిని పాటించాలి.

ఉదయగిరి,మేజర్ న్యూస్  :   మండలంలో ఎంపీటీసీ స్థానాలకు పోటీ చేసే అభ్యర్థులు తప్పనిసరిగా ఎన్నికల నియమావళిని పాటించాలని ఎన్నికల రిటర్నింగ్ అధికారి వెంకటరెడ్డి పేర్కొన్నారు. శుక్రవారం స్థానిక మండల పరిషత్ కార్యాలయ సమావేశ మందిరంలో మండలంలో పోటీ చేసిన అభ్యర్థులతో సమావేశం నిర్వహించారు. ఈ సందర్భంగా ఆయన మాట్లాడుతూ ఎన్నికల ప్రవర్తనా నియమావళికి లోబడి అభ్యర్థులు ప్రచారాలు, ఖర్చులు నిర్వహించాలన్నారు. ఎన్నికల, పోలింగ్ ప్రక్రియపై అభ్యర్థులకు అవగాహన కల్పించారు. ఎన్నికలు ప్రశాంతంగా జరిగేందుకు ప్రతిఒక్కరు సహకరించాలన్నారు. ఈ కార్యక్రమంలో ఎంపీడీవో సుకుమార్, జోనల్ అధికారులు శ్రీనివాసులు, శ్రీనివాసరాజు, ఎఫ్ఎస్, వ్యయ పరిశీలక అధికారులు వెంకటేశ్వర్లు, శ్రీనివాసరెడ్డి, ఏవో గోపినాథ్, సీనియర్ అసిస్టెంట్ నవాజ్, సిబ్బంది తదితరులు పాల్గొన్నారు.