భక్తుల సౌకర్యార్థం అహోబిల క్షేత్రానికి ఆటో విరాళం

ఆళ్లగడ్డ మేజర్ న్యూస్;ప్రముఖ పుణ్యక్షేత్రమైన అహోబిలంలో భక్తుల సౌకర్యార్థం యూనియన్ బ్యాంక్ ఆఫ్ ఇండియా అధికారులు ఆటో వాహనాన్ని విరాళంగా అందించారు. గురువారంఅహోబిలం యూనియన్ బ్యాంక్ అధికారులు తమ సేవాభావాన్ని చాటుకున్నారు.అహోబిలం శ్రీ లక్ష్మీనరసింహ స్వామివారి దర్శనానికి విచ్చేసే భక్తులకు మరింత సౌకర్యం కల్పించాలనే ఉద్దేశంతో ఈ వాహనాన్ని అందించడం అభినందనీయమని పలువురు పేర్కొన్నారు. ఈ సందర్భంగా అహోబిలం నరసింహస్వామి భక్తులు మాట్లాడుతూపుణ్యక్షేత్ర అభివృద్ధికి, భక్తుల సేవకు ముందుకొచ్చిన యూనియన్ బ్యాంక్ అధికారులకు అహోబిలం తరఫున హృదయపూర్వక కృతజ్ఞతలు తెలియజేస్తున్నామన్నారు. ఈ కార్యక్రమంలో అహోబిలం సి ఏ ఓమాధవన్, ప్రధాన అర్చకులు వేణు గోపాలన్,బ్యాంకు అధికారులు యూనియన్ బ్యాంక్ రీజనల్ హెడ్ యదుభూషణ్ రెడ్డి , అహోబిలం యూనియన్ బ్యాంకు మేనేజర్ చంద్రశేఖర ఆచారి, అకౌంటెంట్ సత్యదేవ్ తదితరులు పాల్గొన్నారు.

శ్రీనివాస్ ఆళ్లగడ్డ నంద్యాల జిల్లా