భారీ వర్షాలపై రైతులు అప్రమత్తంగా ఉండాలి

మెలియాపుట్టి, సూర్య :  ఈ నెల 26న అల్పపీడనం ఏర్పడే అవకాశం ఉందని, 27, 28, 29 తేదీల్లో భారీ వర్షాలు కురిసే సూచనలు ఉన్నాయని మెలియాపుట్టి  మండల వ్యవసాయాధికారి ఎస్‌. దానకర్ణుడు తెలిపారు. శనివారం ఆయన రైతులకు పలు సూచనలు చేశారు. కోతకు సిద్ధంగా ఉన్న వరి పంటలను వర్షాల నేపథ్యంలో కోయకుండా వాయిదా వేసుకోవాలని కోరారు. లోతట్టు పొలాల్లో వర్షపు నీరు నిల్వ ఉండకుండా బయటకు వెళ్లేందుకు కాలువలు ఏర్పాటు చేసుకోవాలన్నారు. పంటలు దెబ్బతినకుండా రైతులు ముందస్తు జాగ్రత్తలు తీసుకోవాలని సూచించారు. మరిన్ని వివరాల కోసం స్థానిక రైతు సేవా కేంద్రం లేదా మండల వ్యవసాయాధికారిని సంప్రదించాలని తెలిపారు.

రిపోర్టర్ : నాగిరెడ్డి, మెలియాపుట్టి, శ్రీకాకుళం జిల్లా.