బీసీలు మోసంపై అప్రమత్తంగా ఉండాలి

అమలాపురం మేజర్ న్యూస్ స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పిస్తూ జీవో ఇచ్చామని చెప్పిన చంద్రబాబు నాయుడు, హైకోర్టులో వ్యతిరేక తీర్పు రావడంతో మళ్లీ సాధ్యంకాని విధంగా సుప్రీంకోర్టులో అప్పీల్ చేస్తామని చెప్పడం బీసీలను మోసం చేయడమేనని వైఎస్సార్‌సీపీ సెంట్రల్ ఎగ్జిక్యూటివ్ కౌన్సిల్ సీఈసీ సభ్యులు పితాని బాలకృష్ణ విమర్శించారు. బీసీలను కేవలం ఓటు బ్యాంకుగా మార్చుకోవడానికి చంద్రబాబు చేస్తున్న ప్రయత్నాల పట్ల బీసీ సోదరులందరూ అప్రమత్తంగా ఉండాలని, ఆయన మోసాన్ని తిప్పికొట్టాలని పిలుపునిచ్చారు.

బీసీ సోదరులకు నిజమైన న్యాయం జరిగిందంటే అది వైఎస్ జగన్మోహన్ రెడ్డి  ప్రభుత్వంలోనేనని పితాని బాలకృష్ణ స్పష్టం చేశారు. రాబోయే స్థానిక సంస్థల ఎన్నికల్లో బీసీ సోదరులందరూ వైఎస్సార్‌సీపీకి, జగన్మోహన్ రెడ్డి కి అండగా నిలవాలని, జగన్మోహన్ రెడ్డి  నాయకత్వంలోనే బీసీలకు సంపూర్ణ న్యాయం జరుగుతుందని ఆయన విజ్ఞప్తి చేశారు.