అయినవిల్లిలో కాంగ్రెస్ అభ్యర్థి సంధ్యారాణి ప్రచారం ముక్తేశ్వరంలో అంబేద్కర్ విగ్రహానికి నివాళి - ఇంటింటి ప్రచారంలో ఓట్లు అభ్యర్థన

 అయినవిల్లి మేజర్ న్యూస్ :అయినవిల్లి మండలం జడ్పీటీసీ ఎన్నికల్లో కాంగ్రెస్ అభ్యర్థి బడుగు సంధ్యారాణి ప్రచారం నిర్వహించారు. సోమవారం ఆమె ముక్తేశ్వరం కూడలిలోని డా. బి.ఆర్. అంబేద్కర్ విగ్రహానికి పూలమాల వేసి నివాళులు అర్పించి, అనంతరం ఇంటింటి ప్రచారాన్ని ప్రారంభించారు.ఈ సందర్భంగా సంధ్యారాణి మాట్లాడుతూ.. సమగ్రాభివృద్ధికి కాంగ్రెస్ పార్టీ కట్టుబడి ఉందని, గతంలో కాంగ్రెస్ హయాంలో అభివృద్ధి పనులు జరిగాయని తెలిపారు. కాంగ్రెస్ ప్రభుత్వ హయాంలో నిత్యావసర వస్తువుల ధరలు, గ్యాస్, విద్యుత్ బిల్లులు అదుపులో ఉండేవని ఆమె పేర్కొన్నారు. కూటమి, వైసీపీ ప్రభుత్వాల విధానాలను ప్రజలు గమనించాలని, కాంగ్రెస్ పార్టీకి ఓటు వేసి తనను గెలిపించాలని కోరారు.