అశోక విజయ దశమి

మార్టూరు, మేజర్ న్యూస్:

మండలంలోని అనంతవరం గ్రామములోని 
కొత్త కాలనీ నందు మంగళవారం అశోక విజయ దశమి నిర్వహించారు. ఈ సందర్భంగా జరిగిన కార్యక్రమం కి ప్రియదర్శని మహిళా మండలి అధ్యక్షురాలు డి విజయ అధ్యక్షత వహించారు.మొదట చక్రవర్తి అశోకుడు చిత్ర పటానికి పూలు చల్లి నివాళి అర్పించారు. ఈ సందర్బంగా అధ్యక్షురాలు మాట్లాడుతూ అశోకుడు కళింగ యుద్ధం తరువాత హింసను వీడి శాంతి మార్గాన్ని ఎన్నుకొని బౌద్ద మతాన్ని స్వీకరించిన రోజును అశోక విజయ దశమి అని పిలుస్తారు ( క్రీ. పూ 268 - 232 )  అని చెప్పారు. ప్రయివేట్ ఆడిటర్ యవణ్య మాట్లాడుతూ శాంతియుత జీవనం గడపాలి అని రాజ్యంలోని ప్రజలకు బోధించడం గొప్ప విషయం అన్నారు. ఉమ్మడి ప్రకాశం గుంటూరు జిల్లాల యస్. టి , యస్. సి , మైనార్టీ, బి. సి ఐక్య వేదిక కన్వీనర్ రాము మాట్లాడుతూ క్రీస్తు పూర్వమే బౌద్ధం ప్రపంచానికి శాంతిని నేర్పించింది అన్నారు. కార్యక్రమంలో పాల్గొన్న వారికి చాక్లెట్లు, స్వీట్స్ పంచి పెట్టారు.కార్యక్రమంలో కాలనీ పెద్దలు తిరుపతి. సుబ్బారావు, డి. యల్. ఆనంద్,జూపల్లి పరిశుద్ధం, జె. విజయ్, టి. సువర్ణ రాజు, యం. వంశీ, కళాశాల,ఉన్నత పాఠశాల, ప్రార్ధమిక పాఠశాలల విద్యార్థులు జె. సోను రెష్మన్, శ్రావ్య,శ్రీజ, లక్కీ, శాన్వీ, చిన్న శాన్వీ తదితరులు పాల్గొన్నారు.